वरिष्ठ सर्जक गणेश रसिकको श्रद्धाञ्जली सभा सम्पन्न

 काठमाडौं । वरिष्ठ सर्जक गणेश रसिकको १० औँ दिनको पूण्य तिथिका अवसरमा वासु शशी स्मृति परिषद्ले आज श्रद्धाञ्जली सभा आयोजना गरी रसिकप्रति भावपूर्ण श्रद्धाञ्जली अर्पण गर्‍यो ।परिषद्की उपाध्यक्ष हिरण्यकुमारी पाठकको सभापतित्वमा आयोजित सो श्रद्धाञ्जली सभामा सर्जकहरु बुलु मुकारुङ्ग र लोचन भट्टराईले रसिकको योगदानको चर्चा गर्नु भयो । साथै गायिका लोचन भट्टराईले गीत पनि गाएर सुनाउनु भयो ।

परिषद्का सल्लाहकार एवं साहित्यिक पत्रकार संघका अध्यक्ष साहित्यकार राधेश्याम लेकालीले रसिकबारे विभिन्न चर्चा गर्दै रसिकको योगदानको चर्चा गर्नु भयो ।सभामा वासुशशी स्मृति परिषद्का सदस्य सचिव प्रद्युम्न जोशीले स्वागत मन्तव्य राख्नु भएको सो कार्यक्रममा कविहरु ठाकुर बेलवासे, रचना सिंह र दिलीप श्रेष्ठले रसिकबारे लेखिएको कविता वाचन गर्नु भएको थियो ।

श्रद्धाञ्जली सभाको सहजीकरण कवि यादव भट्टराईले गर्नु भएको थियो ।कार्यक्रममा रसिककी छोरी नीरजा रसिक राई, सर्जकहरु मदनदास श्रेष्ठ, शैलेन्द्र साकार, प्रेमराजा महत, पवन आलोक,  श्याम प्रधान, तीर्थ कोइराला, श्रीओम श्रेष्ठ, जयदेव भट्टराई, प्राज्ञ बाबा बस्नेत, प्रा. डा. गोविन्दमान सिंह कार्की, सन्ध्या पहाडी, मुरारी सिग्देल, उद्दव राई, विजयध्वज थापा, सुदर्शन श्रेष्ठ, शेखर ढुंगेल, देविका तिमिल्सिना, विक्रमभक्त जोशी, तारा सुवेदी, पारशप्रकाश नेपाल, राजेश खनाल, जय छाङ्छा, रिता महर्जन, उषा के सी., राधा कार्की, डी. आर. राई., ठुले राई, राजन न्यौपाने, कविता दाहाल लगायतको उपस्थिति रहेको थियो ।