विप्लवका १८ कार्यकर्ता कास्कीबाट पक्राउ

नयाँ विकल्प
प्रकाशित मिती: २०७६ जेष्ठ २७, ०८: ४८

पोखरा । सरकारले प्रतिबन्धित भनेर घोषणा गरेको नेत्रविक्रम चन्द विप्लव नेतृतवको नेकपाका १८ नेता र कार्यकर्तालाई प्रहरीले कास्कीबाट पक्राउ गरेको छ । कास्कीको अन्नपूर्ण गाउँपालिका–११ स्थित उरीमा शनिबार बैठक बसिरहेको अवस्थामा प्रहरीले उनीहरुलाई पक्राउ गरेको हो । कास्कीका प्रहरी उपरीक्षक दानबहादुर कार्कीले आमा समूहको भवनमा बैठकमा बसिरहेका उनीहरुलाई घेरा हालेर नियन्त्रणमा लिएको थिए । पक्राउ पर्नेमा आक्रोश भनिने विवेक भण्डारी, काजी गुरुङ र मिलन राईलगायत रहेका छन् ।

विकास भनिने पार्टीका जिल्ला सेक्रेटरी भएको खुलेको छ । काजी विद्यार्थी संगठनका जिल्ला अध्यक्ष तथा राई जिल्लास्तरीय नेता भएको प्रहरीले जनाएको छ । नियन्त्रणमा लिइएकाहरुलाई जिल्ला प्रहरी कार्यालय पोखरामा राखिएको छ । विप्लव नेतृत्वको नेकपाका कार्यकर्ता पक्राउ पर्न थालेपछि सो पार्टीले नेपाल बन्दको आयोजना गर्दै आएको छ ।