
काठमाडौं । आईसीसी एकदिवसीय विश्वकप छनोट प्रतियोगिता भइरहेको अभ्यास खेलमा आज नेपालले ओमानसँग प्रतिस्पर्था गरिरहेको छ । खेलमा ओमानले नेपाललाई दुई सय ६८ रनको लक्ष्य दिएको छ ।
टस जिती पहिलो ब्याटिङको निर्णय लिएको ओमानले ४९.२ ओभरमा अलआउट हुनुअघि दुई सय ६७ रन बनाएको हो । ओमानका लागि कप्तान जिसन मक्सुदले सतकीय पाली खेले । उनले एक सय ६ बलको सामना गरी एक सय नौ रन बनाए । मक्सुदको आक्रामक ब्याटिङसामु नेपालका बलर निरिह देखिएका थिए । सोइब खानले पनि ४८ बलको सामना गरी ३८ रन बनाएका थिए ।
खेलको प्रारम्भमा नेपाली बलरहरुले ओमानका ब्याट्सम्यानलाई दबाबमा राखेका थिए । ओमानले केवल सात रनको कुल स्कोरमा आफ्नो चार विकेट गुमाएको थियो । पहिलो र दोस्रो विकेट सोमपाल कामीले लिएका थिए भने तेस्रो विकेट करण केसीले हात पारेका थिए ।
त्यसपछि ओमानको चौथो विकेट सोमपाल कामीले लिए । पाँचौं विकेट सन्दीप लामिछाने र छैटौं विकेट प्रतिष जीसीले लिएका थिए । सातौं विकेटका रुपमा सोमपालले ओमानका कप्तान मक्सुदलाई पेभेलियन फर्काएका थिए । कप्तान मक्सुदका कारण नै ओमानको ब्याटिङ लयमा फर्किएको थियो ।
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत पहिलो क्वालिफायरमा आज साविक विजेता लुम्बिनी लायन्स र सुदूरपश्चिम...
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...