
काठमाडौं । मलेसियामा जारी एसीसी इस्ट जोन कपमा समूह चरणको अन्तिम खेलमा नेपालले घरेलु टोलीलाई ८४ रनले पराजित गरेको छ ।
बायोमास ओभल क्रिकेट मैदानमा टस जितेर पहिला ब्याटिङ गरेको नेपालले ३३ दशमलब ४ ओभरमा अलआउट हुँदै १ सय ८३ रन बनाउँदै दिएको १८४ रनको लक्ष्य पछ्याउने क्रममा मलेशियाले ९९ रन बनाउँदा आप्mना सबै विकेट गुमाएको हो ।
त्यसपछि नेपालले जित हात पार्दै समूह विजेता हुँदै सेमिफाइनल प्रवेश गरेको हो । मलेशियाका मोहम्मद अलिफले १५ रन बनाए भने मोहम्मद हैजिलले २५ रन बनाए ।
नेपालका लागि अशोक धामीले ७ ओभरमा १४ रन दिएर ४ विकेट लिए भने अभिषेक तिवारीले ४।५ ओभरमा २६ रन दिएर ३ विकेट हात पारे । त्यस्तै सन्तोष यादवले ५ ओभरमा २ मेडन राख्दै २ विकेट हात पारे । त्यस्तै कीर्तिक कामतले १ विकेट हात पारे ।
त्यसअघि नेपालका अशोक धामीको विस्फोटक ब्याटिङको सहायताले ३३.४ ओभरमा १८३ रन बनायो । नेपालका लागि सूर्याशु कोइराला र नरेनले २९/२९ रन बनाए । त्यस्तै कीर्तिक कामतले १६ रन बनाएका थिए ।
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत पहिलो क्वालिफायरमा आज साविक विजेता लुम्बिनी लायन्स र सुदूरपश्चिम...
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...