११ दिनसम्म कसरी होला मतपेटिकाको सुरक्षा ?

नयाँ विकल्प
प्रकाशित मिती: २०७४ मंसिर १०, ११: ३१

काठमाडौं । ३२ जिल्लामा भएको प्रदेश र प्रतिनिधि सभाको निर्वाचनका लागि आइतबार साँझ ५ बजे मतदान सकिएको छ। निर्वाचन सम्पन्न भए पनि मतगणना भने आगामी २१ गतेपछि मात्र शुरु हुने निर्वाचन आयोगले जनाएको छ । दोस्रो चरणको निर्वाचन आगामी २१ गते सम्पन्न भएपछि एकैचोटी मतगणना गर्ने आयोगले तयारी गरेको हो। निर्वाचन सम्पन्न भएदेखि ११ दिनसम्म मतपेटिकाको सुरक्षा दिनु निकै चुनौतिपूर्ण देखिन्छ। आयोगले ११ दिनसम्म कसरी मतपेटिकाको सुरक्षा गर्दैछ .
मतदान सकिएपछि मतदान अधिकृतले मतपेटिकाको मत खसाल्ने प्वाल बन्द गरी हरियो रङको सुरक्षण शील लगाउनेछन्। त्यसरी बन्द गर्दा उम्मेदवार र प्रतिनिधिको रोहवर मुचुल्का तयार गर्नेछन् र त्यसमा उम्मेदवार, प्रतिनिधि र उपस्थित अधिकारीको हस्ताक्षरसहितको सही छाप लिनेछन्।
प्रयोग नभएका, फिर्ता भएका र मतपेटिका बाहिर रहेका मतपत्रसहित सबै कागजात सुरक्षित गरी खामबन्दी गरेर त्यसमा पनि लाहाछाप लगाउने छन् र के कति कागजात रहेको भन्ने उल्लेख गरी अर्को मुचुल्का तयार पार्नेछन् ।
मतपेटिका बन्द गर्दाको मुचुल्का अनुरुप मतपेटिका सुरक्षासहित मतगणनास्थलमा पुर्याकइन्छ। प्रत्येक जिल्लाका मतदान केन्द्रका मतपेटिका मुख्य निर्वाचन कार्यालयमा लगेर राखिने निर्वाचन आयोगका उपसचिव मुकुन्द शर्माले बताए। मुख्य निर्वाचन कार्यालयसम्म सुरक्षित रुपमा मतपत पु¥याउने जिम्मेवारी सुरक्षा निकायलाई दिएको छ।
मुख्य निर्वाचन कार्यालयमा रहने मतपत्रको सुरक्षाको जिम्मा ११ दिनसम्म सुरक्षा निकायले लिएको छ। क्याम्प नै खडा गरेर २४ सै घन्टा सुरक्षाकर्मी खटिने छन् । केही जिल्लामा मतपेटिकाको निगरानीको लागि सिसि क्यामरा समेत जडान गरिएको छ। राजनैतिक दल र प्रतिनिधिहरुको सहमतिमा मुख्य निर्वाचन अधिकृतको कार्यालयमा राखिने छ।

सम्बन्धित समाचार

रास्वपा महाधिवेशन : ८० विद्युतीय उपकरणबाट मतदान

२०७४ मंसिर १०, ११: ३१

चितवन : राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत आज हुने निर्वाचनमा ८० वटा विद्युतीय उपकरणबाट मतदान गरिने भएको छ ।...

रवि लामिछाने रास्वपाको सभापतिमा निर्विरोध निर्वाचित

२०७४ मंसिर १०, ११: ३१

काठमाडौं । राष्ट्रिय स्वतन्त्र पार्टी (रास्वपा) को सभापतिमा रवि लामिछाने निर्विरोध निर्वाचित भएका छन्। बन्द सत्रपछि रास्वपा निर्वाचन आयोगका उपप्रमुख...