- अनामनगर काठमाडौँ
- infobikalpa21@gmail.com
गण्डकी : राष्ट्रपति रामचन्द्र पौडेलं छुं नं मजुल जक धायेगु मखु यक्व जूगु दु तर देय् व जनताया निंतिं झीसं अझ नं यक्व याये ल्यंदनि धइगु अठोटलिसें देय् निर्माणया महाअभियानय् वनेत इनाप यानादीगु दु ।
कास्कीया पोखरा महानगरपालिका–१८ सराङकोटय् ग्वसाःग्वःगु श्रीमद्भगवत् ज्ञान महायज्ञ नापं धार्मिक पर्यटन महाउत्सव २०८१ लिसें देवालय सराङकोटधामया उलेज्या समारोहयात थौं संबोधन यानादिसें वय्कलं जनताया ताःहाकःगु सङ्घर्ष, त्याग व बलिदानं झीसं सङ्घीय लोकतान्त्रिक गणतन्त्र हयेफूगु धयादिसें झीगु संविधान व सङ्घीय लोकतान्त्रिक गणतन्त्रया अभिष्ट नं देय्या आर्थिक विकास जुयाच्वंगु ध्वाथुइकादिल ।
राष्ट्रपति पौडेलं धयादिल, “युवा जनशक्ति पलायन जुयाच्वंगु मुलुकया निंतिं तःधंगु चिन्ताया विषय खः । थुगु अवस्थां मुलुकयात बचे यायेत स्वापू दूगु फुक्क पक्ष गम्भीर जुइमा धइगु जिगु इनाप दु ।”
वय्कलं देय् विकासया मू आधार कृषि, जलस्रोत, पर्यटन व पूर्वाधारया विकास जूगुलिं कृषि, जलस्रोत, पर्यटन, उद्योगधन्दाया विकास व उत्पादन अप्वयेकाः स्वदेशी अर्थतन्त्रयात धिसिलाकेमाःगु धारणा तयादिल ।
राष्ट्रपति पौडेलं २०४६ सालया ह्यूपाःलिपा गांगामय् लँ, बिजुली, लः, शिक्षा, स्वास्थ्य, सञ्चारथेंजाःगु पूर्वाधार थ्यनेधुंकूगु धयादिसें आः स्वदेशय् हे रोजगारी व आम्दानीया ह्वःताः सृजना यानाः विदेश पलायन जुयाच्वंपिं युवा जनशक्तितय्त पनेगु न्हापांगु आवश्यकता जूगु धयादिल । वय्कलं धयादिल, “थ्व पवित्र थासं जिं थौं इनाप याना कि दक्व नीति, निर्माण तहय् दुपिं झीपिं सकसिगुं ध्यान थुकियात ज्यंकेगुपाखे केन्द्रित जुइमा ।”
वय्कलं पोखरा व थुगु थाय्या विशिष्टता, प्राकृतिक सौन्दर्य, संस्कृति व सभ्यतायात नेपाः व हलिं पर्यटन बजारय् प्रवद्र्धन यानाः पर्यटन ख्यःयात आयआर्जन व समृद्धिया आधारया कथं नीस्वनेफइगु यक्व सम्भावना थःम्हेसिनं खनाच्वंगु धयादिल ।
वय्कलं पर्यटकीय पूर्वाधार विकासय् निजी ख्यःया तसकं महत्त्वपूर्ण भूमिका दूगु धयादिसें निजी ख्यःया निंतिं लगानीमैत्री वातावरण दयेकेत स्थानीय, प्रदेश व सङ्घ सरकारं पाय्छिगु नीति, नियम व कानुन निर्माण यानाः हःपाः बिइमाःगु खँ न्ह्यथनादिल ।
राष्ट्रपति पौडेलं पोखरा अन्तरराष्ट्रिय विमानस्थलं थुकियात तप्यंक हलिंलिसे स्वाकूगु धयादिसें ‘वनेनु पोखराय्’ लिसेंया पर्यटन प्रवद्र्धन अभियानजक मखु थन जुइगु मेला, महोत्सव व साहसिक ज्याखं थ्व थाय् हलिमय् हे छगू चाःहिलेमाःगु थाय् कथं विकास जुयावंगु धयादिल । वय्कलं धयादिल, “पोखरायात अझ नं आधुनिक, विकसित व सुविधां जाःगु दयेकायंकेत नीति निर्माता, स्वंगुलिं तहया सरकार, पर्यटन उद्यमी, व्यवसायी व थनया बासिन्दात दत्तचित्त जुयाः न्ह्याःवनेमाः धइगु जिं तायेका ।”
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
