क्यानले सार्वजनिक गर्‍याे ग्रेड : सन्दीपसहित ५ खेलाडी ‘ए’ ग्रेडमा, महिलातर्फ को-को ? – Naya Bikalpa
November 16, 2026, Monday      Epaper

क्यानले सार्वजनिक गर्‍याे ग्रेड : सन्दीपसहित ५ खेलाडी ‘ए’ ग्रेडमा, महिलातर्फ को-को ?

काठमाडौं : नेपाल क्रिकेट संघ (क्यान)ले खेलाडीहरूको नयाँ वर्गीकरण सार्वजनिक गरेको छ । क्यानले बुधबार महिला र पुरुषतर्फको नयाँ वर्गीकरण सार्वजनिक गरेको हो । सार्वजनिक गरिएको वार्षीक कन्ट्र्याक्टलाई ६ महिनापछि पुनः मूल्यांकन गरिने क्यानले जनाएको छ ।

सार्वजनिक वर्गीकरणअनुसार पुरुषतर्फ ग्रेड ‘ए’ मा कप्तान रोहितकुमार पौडेल, दीपेन्द्रसिंह ऐरी, सोमपाल कामी, आसिफ शेख र सन्दीप लामिछानेसहित पाँच खेलाडी छन् ।

यसअघि ग्रेड ‘ए’ मा रहेका करण केसी र कुशल भुर्तेल भने घटुवामा परेका छन् । ग्रेड ‘बी’ मा कुशल र करणसँगै गुल्शनकुमार झा, ललितनारायण राजवंशी र अनिकुमार शाह छन् । ललित यसअघि पनि यही ग्रेडमा थिए । अनिललाई भने पहिलोपल्ट क्यानले वर्गीकरणमा समेटेको हो ।

ग्रेड ‘सी’मा सन्दीप जोरा, आरिफ शेख, भीम सार्की र कुशल मल्ल छन् । ग्रेड ‘बी’मा रहेका अलराउन्डर कुशल मल्लसँगै आरिफ शेख घटुवामा परेका हुन् ।

ग्रेड ‘डी’मा सागर ढकाल, लोकेश बम, शाहब आलम, आकाश चन्द, बिबेक यादव, सुर्य तामाङ, रिजन ढकाल, देव खनाल, बसिर अहमद, प्रतिश जिसी, अविनाश बोहरा र मयन यादव छन् ।

इमर्जिङमा दीपेश प्रसाद कँडेल (कोशी), रुपेशकुमार सिंह (मधेश), शुभ कंसाकार (बागमती), अर्जुन कुमाल (गण्डकी), सन्तोष यादव (लुम्बिनी), अर्जुन घर्ती (कर्णाली) र हेमन्त धामी (सुदुरपश्चिम) रहेका छन् ।

यस्तै महिलातर्फत कप्तान इन्दु बर्मासहित चार खेलाडी ग्रेड ‘ए’ मा परेका छन् । यसअघि यो ग्रेडमा इन्दुसहित अलराउन्डरद्वय रुविना क्षेत्री र सीतारानामगर मात्रै थिए । यसपल्ट भने अर्का अलराउन्डर पूजा महतोलाई पनि ग्रेड ‘ए’ मा बढुवा गरिएको छ ।

ग्रेड ‘बी’मा कविता जोशी, ग्रेड ‘सी’मा कविता कुवँर र सम्झनाकुमारी खड्का तथा ग्रेड ‘डी’मा विन्दु रावल, अलिशाकुमारी यादव, मनीषा कुमारी उपाध्याय, साना प्रविन, रिया शर्मा, सीमाना केसी, कृष्णा गुरुङ, सावित्री धामी, रोमा थापा, ईश्वरी विष्ट, ज्योत्सनिका मरासिनी र रचनाकुमारी चौधरी रहेका छन् ।

पुरुषतर्फ ‘ए’ ‘बी’ ‘सी’ र ‘डी’ क्याटगोरीका खेलाडीले क्रमशः १ लाख, ७० हजार, ५५ हजार र ३५ हजार रुपैयाँ तलब पाउनेछन् । इमर्जिङ खेलाडीले २५ हजार रुपैयाँ तलब पाउनेछन् । त्यस्तै महिलातर्फ ‘ए’ ‘बी’ ‘सी’ र ‘डी’ क्याटगोरीमा रहेका खेलाडीले क्रमशः ५० हजार, ३५ हजार, २५ हजार र २० हजार रुपैयाँ तलब पाउनेछन् ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०८१ फाल्गुन २८, १९: १५

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८१ फाल्गुन २८, १९: १५

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८१ फाल्गुन २८, १९: १५

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...