- अनामनगर काठमाडौँ
- infobikalpa21@gmail.com
ख्वप : प्रदेशस्तरीय अस्पतालमध्ये च्वन्ह्याःगु घोषित जूगु ख्वप अस्पतालय् शुक्रबाः मन्त्री व स्वास्थ्य सचिवलिसेंया टोलीं अनुगमन याःगु दु ।
बागमती प्रदेशया स्वास्थ्य मन्त्री किरण थापा मगर, प्रदेशसभा सदस्य सुरेश श्रेष्ठ, बागमती प्रदेश स्वास्थ्य सचिव डा सुमित्रा गौतम, ख्वप अस्पताल व्यवस्थापन नापं सञ्चालन समितिया अध्यक्ष शशिजङ्ग थापालिसेंया टोलीं अस्पतालया सेवा सञ्चालनया बारे छड्के अनुगमन याःगु खः ।
मन्त्री थापा मगरलिसेंया टोलीं अस्पतालया ल्याब, मेडिकल वार्ड, ओपिडी सेवा, फार्मेसी, भवन निर्माण स्थल, आईसियू, सिटी स्क्यान जडान कक्ष, थी थी विभागया सेवाया अनुगमन यायेगु नापं अस्पतालय् भर्ना जुयाच्वंपिं बिरामीतलिसे नाप लानाः अस्पतालया सेवा व सुविधाया बारे न्यनेकने यानादिल ।
अनुगमन यायेधुंकाः मन्त्री थापा मगरं बांलाक ज्या मयाइपिं कर्मचारीतय्त प्रदेश अन्तर्गतया १३ गू जिल्लाया न्ह्यागु नं प्रादेशिक अस्पतालय् सरुवा यायेगु चेतावनी बियादिल । वय्कलं ख्वप अस्पतालय् सिटी स्क्यान मेसिन जडान जुइसातकिं हे मेमोग्राम मेशिन सञ्चालन यायेगु, उच्चस्तरीय प्रविधिलिसेंया मिखा उपचार सेवा चकंकेगु, १०० गू खातास्वयांअप्वः दूगु अस्पतालतय्त नर्सिङ कक्षा सञ्चालन याके बिइगु, मापदण्ड पूमवंगु अस्पतालया दर्ता, नविकरण दिकेगु, हेटौँडा अस्पतालय् नुगःचु ल्वय् व ख्वप अस्पतालय् न्यूरोया ओटी सेवातकं सञ्चालन यायेगु धकाः कनादिल ।
स्वास्थ्य सचिव डा. गौतमं ३०० गू खाताया सम्बन्धन कयातःगु ख्वप अस्पतालं पूवंक खाताया सेवा सञ्चालन मयाःसा खाता पाः यायेगु व न्यादँया निंतिं धकाः ब्यूगु जूसां नं १३ दँनिसें सञ्चालित मानव अङ्ग प्रत्यारोपण केन्द्रयात भवन त्वःतेत पौ छ्वयेत निर्देशन नं बियादिल । वय्कलं ख्वप अस्पताल लागा दुने मंकाः वासः पसः तयेके बिइमज्यू धकाः नं धयादिल ।
प्रदेशसभा सदस्य सुरेश श्रेष्ठं वंगु निदँनिसें देय्या हे च्वन्ह्याःगु अस्पताल घोषित जुइत ताःलाःगु ख्वप अस्पतालया गुणस्तरीय सेवायात मद्दिक न्ह्याकाच्वनेमाःगुलिइ बः बियादिल । अस्पताल विकास नापं व्यवस्थापन समितिया अध्यक्ष शशिजङ्ग थापां अस्पतालं सञ्चालनय् हयेत्यंगु क्याबिनया ल्याः प्यंगूपाखें १० गुलिइ थ्यंकेत मन्त्रालययात ग्वाहालि यायेत नं इनाप यानादिल । अस्पतालया कार्यकारी निर्देशक डा सुरेन्द्र भट्टं अस्पतालय् न्हियान्हिथं १ द्वःनिसें १ द्वः व १०० म्ह बिरामीतय्सं वइगु जानकारी बियादिल ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
