- अनामनगर काठमाडौँ
- infobikalpa21@gmail.com
येँ : प्रधानमन्त्री केपी शर्मा ओलीं मित्रराष्ट्र थाइल्याण्डया औपचारिक भ्रमण व बिमस्टेक शिखर सम्मेलनय् थःगु ब्वतिबारे संसद्य् जानकारी याकादीगु दु ।
प्रतिनिधिसभाया थौंया बैठकय् सम्बोधन यासें प्रधानमन्त्री ओलीं कूटनीतिक स्वापू नीस्वंगु ६५ दँ लिपा नेपाःया प्रधानमन्त्रीया न्हापांगू थाइल्याण्डया औपचारिक भ्रमण जुइत्यंगु धका धयादिल ।
थ्व हे चैत १९ गते मङ्गलबाः थाइल्याण्डय् नेपाःया प्रधानमन्त्रीपाखें न्हापांगू औपचारिक भ्रमण जुइत्यंगु दु । प्रधानमन्त्री ओली नेपाःया जःलाखःला बाहेकया देययागु भ्रमणय् ‘गेट–वे’या कथं दूगु बैङ्ककय् आःतक औपचारिक भ्रमण मजूगु सन्दर्भय् थ्व भ्रमण थःवंहे महत्वपूर्ण जुइगु धयादिल । भ्रमणया झ्वलय् प्रधानमन्त्री ओलीं थाइल्याण्डया नरेश व समकक्षीनाप नापलानादीत्यंगु दु ।
भ्रमणया झ्वलय् पर्यटन व तजिलजिनापं सम्बन्धित निगू समझदारीपत्रय् ल्हाचिं तइगु ज्याझ्वः दु । अथे हे निगू देय्या प्रधानमन्त्रीय उपस्थितिइ गैरसरकारी क्षेत्र दथुइ खुगू समझदारी पौत्रय् ल्हाःचिं तइगु ज्याझ्वः दु ।
प्रधानमन्त्री ओलीं भ्रमणया झ्वलय् थाइल्याण्डया प्रतिष्ठित बनेज्यामितनाप सहलह याइगु व एसियन इन्स्टिच्युत अफ टेक्नोलोजीइ ग्वसाःग्वयातःगु ज्याझ्वःयात सम्बोधन यायेगु धयादिल । प्रधानमन्त्री ओलीं ‘बिम्स्टेक’ शिखर सम्मेलनयात थ्व हे चैत २२ गते सम्बोधन यानादीत्यंगु दु । अथे हे प्रधानमन्त्री ओलीं शिखर सम्मेलनया झ्वलय् ब्वति काःवइपिं दुजः देय्या नेतातनापं फयांफछि साइडलाइन वार्ता यानादीत्यंगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
