- अनामनगर काठमाडौँ
- infobikalpa21@gmail.com
येँ : उपराष्ट्रपति रामसहायप्रसाद यादवलिसे नेपाःया निंतिं इजरायलया राजदूत श्मुलिक एरी बासं नापलानादीगु दु ।
थन उपराष्ट्रपतिया ज्याकुथिइ थौं नाप लानाः निगू मुलुकदथुइया निगूपक्षीय सम्बन्ध, कृषि नापं श्रम ख्यलय् ग्वाहालिलिसे थी थी विषयकय् महत्वपूर्ण खँल्हाबल्हा जूगु उपराष्ट्रपतिया ज्याकुथिं धाःगु दु ।
उपराष्ट्रपति यादवं सन् १९६० य् कूटनीतिक सम्बन्ध स्थापना जुइधुंकाः नेपाल व इजरायलदथुइ मित्रता, सद्भाव, समझदारी नापं सहयोगपूर्ण सम्बन्ध दयावयाच्वंगु धकाः धयादिल । वय्कलं निगू मुलुकदथुइ थी थी सम्झौतात जूगु व छुंछुं प्रक्रियाय् दूगु जानकारी वःगु न्ह्यथनादिसें उकिया कार्यान्वयनय् ध्यान बिइमाःगु धयादिल । “नेपाः व इजरायलदथुइ आर्थिक, व्यापारिक, पर्यटन नापं लगानीया ख्यलय् सहकार्य यायेगु प्रमुख सम्भावना दु”, उपराष्ट्रपति यादवं धयादिल, “थुगु ख्यलय् ह्वःताः मालाः निगुलिं मुलुकं लाभ कायेफइ ।”
वय्कलं इजरायलय् मिसा कामदारतलिसें प्यद्वः व ५०० नेपाःमित थी थी ख्यलय् ज्या यानाच्वंगुलिं इमिगु तलब, बिमा, बिदालिसें सुविधा सुनिश्चित याकेगु सन्दर्भय् इजरायल सरकारपाखें सकारात्मक कुतःया अपेक्षा यानाच्वना धकाः धयादिल । उपराष्ट्रपति यादवं नेपाः व इजरायलं संयुक्त राष्ट्र सङ्घलिसें अन्तरराष्ट्रिय नापं क्षेत्रीय दबुली थवंथः ग्वाहालि व सहकार्य यानावयाच्वंगुलिइ उकिया निरन्तरता जुइगुलिइ थः विश्वस्त जूगु धयादिल ।
नेपाःया निंतिं इजरायलया राजदूत बासं निगू मुलुकदथुइ ग्वाहालि व सहकार्य मद्दिक न्ह्यानाच्वनीगु न्ह्यथनादिसें इजरायलय् च्वंपिं नेपाःया कामदारतलिसे जूगु सम्झौताकथं सुविधा ब्यूगु÷मब्यूगु बारे थी थी सङ्घ/संस्थातय्सं अनुगमन यानाच्वनीगु खँ कनादिल । “निगू मुलुकदथुइ छुंछुं सम्झौतात जुइधुंकूगु व छुंछुं प्रक्रियाय् दूगुलिं उगु सम्झौता नं पूवनीगु भलसा यानाच्वना”, वय्कलं धयादिल, “इजरायलपाखें थी थी कथंया प्रशिक्षण कयावःपिं नेपालय् सफल जुयाच्वंगु जानकारी न्यनेदयाः लसता जूगु दु ।”
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
