- अनामनगर काठमाडौँ
- infobikalpa21@gmail.com
येँ : संस्कृति, पर्यटन नापं नागरिक उड्डयनमन्त्री बद्रीप्रसाद पाण्डें राष्ट्रिय समाचार समिति (रासस) फोटो पुस्तकं नेपाःया प्रकृति, संस्कृति व सम्पदायात किपाःया माध्यमं प्रवर्द्धन याःगु धयादीगु दु ।
राससं पिकाःगु ‘रासस फोटो किताब : गणतन्त्रको १६ वर्ष’ या थौं सिंहदरबारया मन्त्रालयकय् लःल्हानाकयादिसें वय्कलं सफुतिं नेपाःया पर्यटन प्रवर्द्धनय् महत्त्वपूर्ण भूमिका म्हितीगु भलसा प्वंकादिल ।
पर्यटनमन्त्री पाण्डें भौतिक विकास, प्राकृतिक नापं सांस्कृतिक सम्पदा, संस्कृतिलिसें देय् दुने च्वंगु थीथी म्हसीकातय्त उलाक्यनाः सफुतिं ‘नेपालय् छुंछुं जुयाच्वंगु दु, सकारात्मक ह्यूपाः वयाच्वंगु दु’ धइगु आशाया सञ्चार याःगु धारणा तयादिल ।
वय्कलं धयादिल, “नेपालय् छुं नं जूगु मदु धकाः निराशा सम्प्रेषण यायेगु प्रवृत्ति अप्वयावनाच्वंगु इलय् सफुतिं आशाया सञ्चार तनेगु ज्या याःगु दु । देय्या म्हसीका दुथ्यानाच्वंगु मूवंगु किपातःत कयादीपिं फोटो पत्रकार पासापिं, सफू पिथनेत जुयाजूपिं रासस व्यवस्थापनलिसें रासस छेँजःयात सुभाय् बियाच्वना ।”
पर्यटनमन्त्री पाण्डें नेपाःया म्हसीकायात प्रवर्द्धन यायेत रासस फोटो पुस्तकया महत्त्वपूर्ण भूमिका जुइगु धयादिसें वइगु इलय् नं थजाःगु ज्यायात निरन्तरता बिइमाःगुलिइ बः बियादिल ।
“राससया फोटो पुस्तकं नेपाःया प्रकृति, संस्कृति, सम्पदा व भौतिक विकासयात कःघायेगु कुतः याःगु दु”, वय्कलं धयादिल, “थुकिं मुलुकय् भौतिक विकास मद्दिक जुयाच्वंगु दु धइगु सन्देश बिइगु नापनापं नेपाः प्रकृति व संस्कृतिइ समृद्ध जू धइगु सन्देश प्रवाह यानाच्वंगु दु ।”
मन्त्री पाण्डें वइगु इलय् ‘रासस फोटो पुस्तक’ थप पिथनाः अप्वः स्वयां अप्वः ल्याखय् स्वदेशी व विदेशीतय् ल्हातय् थ्यंकेत मन्त्रालयं आवश्यक समन्वय व सहकार्य याइगु प्रतिबद्धता बियादिल । वय्कलं धयादिल, “पर्यटन प्रवर्द्धन व पर्यटकीय गन्तव्यया बारे जानकारी उपलब्ध याकेत सफुतिं महत्त्वपूर्ण ग्वहालि याइगु भलसा कयाच्वनागु दु । रासस, पर्यटन मन्त्रालय व मातहतया मेमेगु निकायदथुइ सहकार्य व समन्वय यानाः सफूया पुनःप्रकाशन व थप वितरण यायेमाःगु जरुरी जू ।”
फोटो पुस्तक लःल्हानादिसें राससया कार्यकारी अध्यक्ष धर्मेन्द्र झां रासस फोटो पुस्तक पुनःप्रकाशनया नितिं ग्वहालि यायेत पर्यटनमन्त्री, मन्त्रालय व मातहतया फुक्कसित इनाप यानादिल । वय्कलं फोटो पुस्तकं ‘नेपालय् विकास मजू, छुं नं सकारात्मक ज्या मजू’ धकाः स्थापित यायेत्यंगु मखुगु भाष्ययात त्वाःथलेत ग्वाहालि जुइगु भलसा प्वंकादिल ।
अध्यक्ष झां मन्त्री पाण्डेयात फोटो पुस्तक तयारी, छापे यायेगु प्रक्रिया, कःघाःगु विषयवस्तुलिसें विषयकय् जानकारी बियादिसें पूर्वाधार विकास, पर्यटन प्रवर्द्धन नापं भाषा, संस्कृति व सम्पदाया संरक्षण नापं सम्वद्र्धनय् सफू उपयोगी जुइ धकाः धयादिल ।
वय्कःया कथं सफुतिइ देय्या दक्व जातजाति, भाषाभाषी, भूगोल, धर्म, संस्कृति व पूर्वाधार निर्माणया ख्यलय् जुयाच्वंगु ज्याखँतय्त कःघानाः ९० म्ह फोटो पत्रकारतय्सं कयातःगु सच्छि व ८२ पाः किपाः दुथ्यानाच्वंगु दु ।
राससं ६४ क्वःगु वार्षिकोत्सवया झ्वलय् ‘राससको फोटो किताबः गणतन्त्रको १६ वर्ष’ सफू पिकाःगु खः । सफू लःल्हायेगु ज्याझ्वलय् राससया महाप्रबन्धक सिद्धराज राई, राससया वरिष्ठ कार्यकारी व्यवस्थापक शीतलप्रसाद महतोया नं ब्वति दूगु खः ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
