टी-२० विश्वकप छनोट: सुपर सिक्समा आज यूएईसँग भिड्दै नेपाल – Naya Bikalpa
November 16, 2026, Monday      Epaper

टी-२० विश्वकप छनोट: सुपर सिक्समा आज यूएईसँग भिड्दै नेपाल


काठमाडौं : आईसीसी टी-२० विश्वकप एसिया इस्ट प्यासिफिक छनोटअन्तर्गत सुपर सिक्सको पहिलो खेलमा आज (आइतबार) चिर प्रतिद्वन्द्वी नेपाल र यूएई भिड्दैछन्।

ओमानको अल एमिरेट क्रिकेट मैदानमा हुने खेल नेपाली समयअनुसार दिउँसो सवा ४ बजे सुरु हुनेछ।

सुपर सिक्सको शीर्ष ३ मा रहने टोलीले अर्को वर्ष हुने विश्वकपमा स्थान बनाउने भएकाले नेपाल र यूएई दुवै टोलीलाई आजको खेल निकै महत्वपूर्ण छ।

नेपाल आजको खेलमा चिर प्रतिद्धन्दी यूएई हराउँदै विश्वकप खेल्ने सम्भावना थप बलियो बनाउन चाहन्छ।

सुपर सिक्समा नेपाल र यूएईसहित ओमानसँग समान २ अंक छ। सुपर सिक्सको अंक तालिकामा नेपाल नेट रनरेटमा अघि छ।

एसोसियट क्रिकेटमा नेपाल र यूएईबीचको खेल एल क्लासिको नामले परिचित छ।

नेपाल समूह बी को विजेताको रुपमा सुपर सिक्समा पुगेको हो। यूएई समूह ए को विजेताको रुपमा सुपर सिक्स खेल्न लागेको हो।

समूह चरणका नेपालले पहिलो खेलमा कुवेतलाई ५८ रनले तथा जापानलाइ ५ विकेटले हराएको थियो।

सुपर सिक्समा नेपालले यूएईसहित, ओमान, कतार र सामोयासँग खेल्नेछ।

जापानलाई समूह चरणमा नै पराजित गरेकाले नेपालले सुपर सिक्समा जापानसँग खेल्ने छैन।

सम्बन्धित समाचार

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ आश्विन २६, ०७: ०६

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८२ आश्विन २६, ०७: ०६

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८२ आश्विन २६, ०७: ०६

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...