टी-२० विश्वकप : नेपालले आज इटालीसँग खेल्दै – Naya Bikalpa
November 16, 2026, Monday      Epaper

टी-२० विश्वकप : नेपालले आज इटालीसँग खेल्दै


काठमाडौं : भारत र श्रीलंकामा जारी आईसीसी पुरुष टी– २० विश्वकपमा नेपालले आफ्नो दोस्रो खेलमा आज इटलीको सामना गर्दै छ । खेल मुम्बईस्थित वानखेडे स्टेडियममा नेपाली समयअनुसार दिउँसो ३ः१५ मा सुरु हुनेछ ।

नेपालले टी– २० अन्तर्राष्ट्रियमा पहिलोपटक इटलीको सामना गर्न लागेको हो । तर, एकदिवसीयमा भने नेपाल र इटालीबीच तीन खेल भइसकेका छन् । जसमा तीनै खेल नेपालले आफ्नो पक्षमा पारेको छ ।

नेपाल र इटलीबीचको पहिलो भेट सन् २००५ को विश्वकप छनोट सिरिज डिभिजन २ मा भएको थियो । उक्त भेटमा नेपालले इटलीलाई ८८ रनले पराजित गरेको थियो । यसैगरी, सन् २०१० को विश्वकप लिग डिभिजन ४ मा नेपालले दोस्रोपटक इटलीको सामना गरको थियो । यस खेलमा नेपालले इटलीलाई ५ विकेटले पराजित गरेको थियो । नेपालले पछिल्लोपटक सन् २०१३ मा इटालीको सामना गरेको थियो । यो खेलमा नेपाल ८ विकेटले विजयी भएको थियो ।

इटलीले युरोपेली क्षेत्रीय छनोट पार गर्दै पहिलोपटक टी– २० विश्वकपमा स्थान बनाएको हो । इटाली विश्वकपको डेब्यु खेलमा स्कटल्यान्डसँग ७३ रनको फराकिलो अन्तरले पराजित भएको थियो । यता, तेस्रोपटक विश्वकप खेलिरहेको नेपालले भने पहिलो खेलमा इंग्ल्यान्डसँग ४ रनको हार ब्यहोरेको थियो ।

अहिले आईसीसी टी– २० वरीयतामा नेपाल १६ तथा इटाली २७औँ स्थानमा छन् ।

इटाली नियमित कप्तान वेन म्याडसेनबिनै मैदान उत्रिने सम्भावना छ । उनी स्कटल्यान्डविरुद्धको खेलमा घाइते भएका थिए । इटाली बेन मानेन्टी, ह्यारी मानेन्टी, थोमस ड्राका, जेज स्मट्सजस्ता खेलाडीको साथमा मैदान उत्रिनेछ ।

यता रोहितकुमार पौडेलको कप्तानीमा रहेको नेपाललाई दीपेन्द्रसिंह ऐरी, लोकेश बम, नन्दन यादव, कुशल भुर्तेलजस्ता खेलाडीले साथ दिनेछन् ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०८२ माघ २९, ०७: ५२

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८२ माघ २९, ०७: ५२

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ माघ २९, ०७: ५२

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...