- अनामनगर काठमाडौँ
- infobikalpa21@gmail.com
काठमाडौं : राष्ट्रिय स्वतन्त्र पार्टी (रास्वपा) मकवानपुरका संस्थापक सभापति भरतप्रसाद पराजुलीले पार्टी परित्याग गर्दै पुरानै दल नेपाली कांग्रेसमा फर्किएका छन् ।
सोमबार बिहान सर्लाहीमा आयोजित कार्यक्रममा कांग्रेस सभापति गगनकुमार थापाले पराजुलीलाई पार्टीमा स्वागत गरेका हुन् । रास्वपा मकवानपुरले हेटौंडा–४ हुप्रचौरमा सभा गर्न लागेका बेला पराजुली भने सर्लाही पुगेर कांग्रेस प्रवेश गरेका हुन् । उनीसहित रास्वपा मकवानपुरका केही नेताहरू आइतबार राति नै सर्लाही पुगेको जनाइएको छ ।
कांग्रेस प्रवेशपछि सामाजिक सञ्जालमार्फत धारणा सार्वजनिक गर्दै पराजुलीले रास्वपा नेतृत्व शैलीप्रति असन्तुष्टि जनाएका छन् । उनले पार्टीभित्र सीमित व्यक्तिहरूको प्रभाव बढ्दै गएको, आलोचनालाई अस्वीकार गर्ने प्रवृत्ति मौलाउँदै गएको तथा आन्तरिक लोकतन्त्र कमजोर बन्दै गएको आरोप लगाए । आफूहरूले बुझेको उद्देश्य, मूल्य र आदर्श व्यवहारमा विपरीत दिशामा गएको महसुस भएपछि पार्टी छाड्ने निर्णय गरेको उनको भनाइ छ ।
मनहरी गाउँपालिका निवासी पराजुली करिब तीन दशकदेखि राजनीतिमा सक्रिय छन् । उनी ६ मंसिर २०८१ मा सम्पन्न रास्वपाको पहिलो जिल्ला भेलाबाट सर्वसम्मत रूपमा पुनः सभापति चयन भएका थिए। कांग्रेस त्यागेर रास्वपामा नेतृत्व सम्हालेका उनी अहिले पुनः कांग्रेसमै फर्किएका हुन् ।
काठमाडौं : पोखराबाट काठमाडौं आउँदै गरेको ग १ ख १४२१ नम्बरको यात्रुवाहक बस दुर्घटना भएको जनधनको क्षतप्रति नेपाली कांग्रेसले दुःख...
पर्साः पर्साको वीरगञ्ज महानगर क्षेत्रमा पछिल्लो शान्तिसुरक्षालाई मध्यनजर गर्दै कर्फ्यु आदेश जारी गरिएको छ । पर्साका प्रमुख जिल्ला अधिकारी भोला...
काठमाडौं : निर्वाचन आयोगले स्थानीय तहका जनप्रतिनिधिलाई निर्वाचन प्रचारप्रसारमा सहभागी नहुन आग्रह गरेको छ। निर्वाचनमा स्वतन्त्रता, स्वच्छता, निष्पक्षता, पारदर्शिता, मितव्ययिता...
