- अनामनगर काठमाडौँ
- infobikalpa21@gmail.com
काठमाडौँ । पूजा महतोको उत्कृष्ट अर्धशतकको मद्दतमा नेपालले एसियन गेम्स महिला क्रिकेट छनोटअन्तर्गत चीनसामु १२६ रनको लक्ष्य प्रस्तुत गरेको छ ।मलेसियास्थित बायोमास ओभलमा टस जितेर पहिले ब्याटिङ गरेको नेपालले निर्धारित २० ओभरमा पाँच विकेट गुमाउँदै १२५ रन बनायो ।
नेपालका लागि पूजा महतोले सर्वाधिक ६३ रनको योगदान दिइन् । उनले ५७ बलमा ६ चौका प्रहार गरिन् । यस्तै, रुवी पोदार २२ रनमा अविजित रहँदा सोनी पाख्रिनले १८ रन जोडिन् ।चौथो विकेटका लागि पूजा र रुवीबीच ६४ रनको महत्वपूर्ण साझेदारी भएको थियो, जसले नेपालको इनिङ सम्हाल्न ठूलो भूमिका खेल्यो ।
चीनका लागि मा रुइकले दुई विकेट लिइन् भने वाङ हुइयिङ र जियापिङ लीले समान एक–एक विकेट हात पारे । नेपाल प्रतियोगितामा सुखद सुरुआत गर्ने लक्ष्यमा रहेको छ भने चीन लगातार दोस्रो जित निकाल्दै सेमिफाइनलमा स्थान सुरक्षित गर्ने योजनामा छ । चीनले पहिलो खेलमा इन्डोनेसियालाई तीन विकेटले पराजित गरेको थियो ।
यसअघि नेपाल र चीनबीच भएका दुई टी–२० अन्तर्राष्ट्रिय भेटमा नेपाल विजयी भएको इतिहास छ ।
काठमाडौँ । सिंगापुरमा सम्पन्न एसियन गेम्स पुरुष क्रिकेट छनोट प्रतियोगिताको फाइनलमा नेपालले हङकङलाई डीएलएस (डकवर्थ–लुइस–स्टर्न) पद्धतिअनुसार १९ रनले पराजित गर्दै...
काठमाडौं । एसियन गेम्स क्रिकेट छनोट प्रतियोगिताको फाइनलमा आज (सोमबार) नेपालले हङकङसँग प्रतिस्पर्धा गर्दैछ। खेल नेपाली समयअनुसार दिउँसो १२ः१५...
काठमाडौँ । भारतले बंगलादेशलाई ३–१ गोलले पराजित गर्दै साफ महिला च्याम्पियनसिपको उपाधि जितेको छ। यो भारतको महिला फुटबलमा छैटौँ उपाधि...
