काठ
माडौं । एसियन गेम्स क्रिकेट छनोट प्रतियोगिताको फाइनलमा आज (सोमबार) नेपालले हङकङसँग प्रतिस्पर्धा गर्दैछ। खेल नेपाली समयअनुसार दिउँसो १२ः१५ बजे सिंगापुर नेसनल क्रिकेट ग्राउन्डमा सुरु हुनेछ।
नेपाल सेमिफाइनलमा ओमानलाई ८ विकेटले पराजित गर्दै फाइनलमा पुगेको हो। जितका लागि ओमानले दिएको ९५ रनको सामान्य लक्ष्य नेपालले ९.२ ओभरमै २ विकेट गुमाएर पूरा गरेको थियो।
नेपालको जितमा लोकेश बमले सर्वाधिक ४४ रनको योगदान दिएका थिए। ओपनर कुशल भुर्तेलले २० रन बनाउँदा कप्तान रोहित पौडेल २१ रनमा अविजित रहे। ओमानका लागि समिर ओथामनले २ विकेट लिए।
यसअघि ब्याटिङ गरेको ओमानका कप्तान सफियान मोहम्मदले सर्वाधिक ३८ रन बनाए। जुबिर अली अकबरले २२ तथा अब्दुल्जाली खानले १६ रन जोडे पनि टोलीलाई ठूलो स्कोरतर्फ डोर्याउन सकेनन्।
उत्कृष्ट लयमा रहेको नेपाल आज हङकङलाई पराजित गर्दै उपाधिसहित एसियन गेम्समा स्थान सुरक्षित गर्ने लक्ष्यमा हुनेछ।
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
काठमाडौं : नेपाल प्रिमियर लिग (एनपिएल)मा आज लिग चरणका अन्तिम दुई खेल हुँदै छन् । आज कीर्तिपुरस्थित त्रिवि क्रिकेट मैदानमा...