नाराययणी नदिमा पानीको तह खतराभन्दा माथि, सतर्क रहन प्रशासनकाे अनुरोध

नयाँ विकल्प
प्रकाशित मिती: २०७७ आश्विन ८, ०९: ४७

नयाँ विकल्प
काठमाडाैं- अविरल बर्षाका कारण नारायणीमा पानीको बहाब उच्च बनेकाे छ । नारायणी नदीले देवघाट क्षेत्रमा खतराको तह पार गरिसकेको छ ।

नारायणगढ क्षेत्रमा सतर्कताको तह पार गर्दै खतराको तहतर्फ उन्मुख भएको जल तथा मौसम विज्ञान विभागले जनाएको छ। देवघाट क्षेत्रमा पानीको सतह ८.३ मिटरमा पुगेको छ। जबकी ७.३ मिटरलाई सतर्कता तह र ८ मिटर पुगेमा खतराको तह मानिन्छ।

नारायणगढको पुल्चोकस्थित नारायणी नदीको पुलमा पानीको सहत ११.३ मिटर पुगेको छ। ११ मिटरलाई सतर्कताको तह मानिन्छ। यहाँ पानीको सतह खतराको तहतर्फ उन्मुख भइरहेको छ। पानीको सतह निरन्तर बढ्दै गएको विभागले जनाएको छ।

निरन्तर वर्षासँगै बाढीको संभावना रहेकाले नदी तटीय क्षेत्रमा बसोबास गर्नेहरूलाई चितवन प्रशासनले सतर्क रहन अनुरोध गरेको छ। नारायणी नदीमा पानीको सतह बढ्दा पश्चिम चितवन र नवलपुरका वस्तीहरू जोखिममा पर्ने गरेका छन् ।