वर्षाले सिसडोल ल्याण्डफिल्ड प्रभावित, काठमाडौंमा फोहोर ननिकाल्न महानगरको आग्रह – Naya Bikalpa
November 16, 2026, Monday      Epaper

वर्षाले सिसडोल ल्याण्डफिल्ड प्रभावित, काठमाडौंमा फोहोर ननिकाल्न महानगरको आग्रह

काठमाडौं । निरन्तरको वर्षाका कारण काठमाडौं उपत्यकाको फोहोरमैला व्यवस्थापन प्रभावित भएको छ। सिसडोलस्थित ल्याण्डफिल्ड साइटमा वर्षाका कारण लेदोसहितको पानी बग्न थालेपछि फोहोर ढुवानी तथा बिसर्जनमा अवरोध आएको काठमाडौं महानगरपालिकाले जनाएको छ।

ल्याण्डफिल्ड साइटको अवस्था प्रतिकूल रहेकाले केही समय फोहोर बिसर्जन प्रभावित हुने महानगरपालिकाले जनाएको छ। त्यसैले महानगरले घर, पसल तथा व्यवसायबाट निस्कने फोहोर तत्काल बाहिर ननिकाल्न नगरवासीलाई आग्रह गरेको छ।

महानगरपालिकाले फोहोर व्यवस्थापनमा समस्या देखिएको अवस्थामा सडक, चोक, सार्वजनिक स्थल, खोला–नाला तथा खुला स्थानमा जथाभावी फोहोर नफाल्न पनि अनुरोध गरेको छ।

वर्षा कम भई सिसडोलस्थित ल्याण्डफिल्ड साइटको अवस्था सामान्य भएपछि फोहोर संकलन तथा ढुवानीको काम नियमित गरिने महानगरले जनाएको छ।

फोहोरमैला व्यवस्थापनमा असहज अवस्था सिर्जना भएकाले केही समय धैर्य गर्न तथा सार्वजनिक स्थानमा फोहोर नथुपार्न महानगरपालिकाले नगरवासीलाई आग्रह गरेको छ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०८३ आश्विन ९, १५: ३९

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८३ आश्विन ९, १५: ३९

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८३ आश्विन ९, १५: ३९

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...