एमाले–माओवादी नमिल्ने संकेत !

नयाँ विकल्प
प्रकाशित मिती: २०७४ माघ २९, ०८: ४८

काठमाडौं । लामो समयदेखि पार्टी एकीकरण गर्ने प्रयासमा रहेको एमाले र माओवादी पार्टीबीचको एकता तुहिने संकेत देखिएको छ । यो संकेत अरु कसैले नभएर एमालेले नै देखाएको हो । ७० र ३० को भागवण्डा गरेका माओवादी र एमालेबीच प्रदेशसभाको सभामुख र मुख्यमत्रीको पद विभाजनलाई लिएर मनमुटाव सुरु भइसकेको छ ।

मुख्यमन्त्री एमालेको भए सभामुख माओवादीको र माओवादीको मुख्यमन्त्री भए सभामुख एमालेको हुने एमाले र माओवादीबीच भएको सहमतिलाई एमालेले लत्याउन थालेपछि प्रचण्ड तर्किन थालिसकेका छन् । पार्टी एकीकरण प्रकृया तीव्र रुपमा अघि बढाउने बेलामा प्रचण्ड शनिबार महत्वपूर्ण काम भन्दै अण्डा व्यवसायीको कार्यक्रममा सम्बोधन गर्न चितवन पुगे र देशको लागि छुट्टै कदम चाल्न पनि तयार रहेको अभिव्यक्ति दिए । पूर्व शर्त अनुसार एमाले नचलेपछि माओवादीबीच खैलाबैला सुरु भइसकेको छ ।

२ नं. प्रदेशमा मधेशवादी सरकार बनाउने भएपछि बाँकी ६ वटा मध्य ४ वटामा एमालेको मुख्य मन्त्री बनाउँदा अरु दुई वटामा माओवादीको बनाउने सहमति अनुसार माओवादीले प्रदेश ६ र ७ मा आफ्नो मुख्य मन्त्री छानिसक्यो भने प्रदेश १, ३, ४ र ५ मा एमालेले । त्यसो हुँदा अब यी चार प्रदेशमा सभामुखको भाग माओवादीलाई दिइनुपर्ने हो तर एमालेले त्यसो नगर्ने संकेत देखाइसकेको छ । हिजो भएको प्रदेश नं. ३ को सभामुख तथा उपसभामुखको निर्वाचनमा एमालेले माअ‍ोवादीकी राधिका तामाङलाई उपसभामुखमा थन्काइदियो भने बाँकी प्रदेशको सभामुखको लागि पनि आफ्ना उम्मेदवार खडा गरिसकेको बुझिएको छ ।

सम्बन्धित समाचार

नतिजा सार्वजनिक भएको दुई साताभित्रै ट्रान्सक्रिप्ट उपलब्ध गराइने

२०७४ माघ २९, ०८: ४८

काठमाडौँ : देशका विश्वविद्यालयहरूले परीक्षाफल सार्वजनिक गरेपछि १५ दिनभित्र विद्यार्थीलाई ट्रान्सक्रिप्ट उपलब्ध गराउने व्यवस्था लागू गर्ने सहमति गरेका छन् ।...