कांग्रेसका यी नेतामा कोरोना संक्रमण पछि केन्द्रीय समिति प्रभावित – Naya Bikalpa
November 16, 2026, Monday      Epaper

कांग्रेसका यी नेतामा कोरोना संक्रमण पछि केन्द्रीय समिति प्रभावित


नयाँ विकल्प,

काठमाडौं – नेपाली कांग्रेस केन्द्रीय कार्यसमिति बैठक कोराना भाइरसबाट केन्द्रीय नेताहरु नै संक्रमित भएपछि स्थगित हुँदै आएको छ ।

पार्टी सभपाति शेरबहादुर देउवाले गत असोज १९ गते बोलाएको बैठक केन्द्रीय नेताहरुमा कोरोना संक्रमण पुष्टि भएको ती नेतासँगै पदाधिकारी पनि अनौपचारिक बैठकमा सहभागी भएकाले स्थगित गरियो ।

कोरोना भाइरसबाट कांग्रेसका महामन्त्री डा. शशांक कोइराला नै दशैंअघि संक्रमित भए र आसीयुमै राखेर उपचार गर्नु पर्यो । अर्को केन्द्रीय सदस्य तथा सांसद मिन विश्वकर्मालाई पनि कोरोना संक्रमण पुष्टि भएपछि कात्तिक १२ देखि भेण्टिलेटरमै राखेर उपचार गरियो ।

कांग्रेसका केन्द्रीय सदस्य अर्जुननरसिंह केसी, गगनकुमार थापालाई असोज १७ गते कोरोना पुष्टि भएको थियो । कात्तिक लागेपछि मात्र कांग्रेसका केन्द्रीय सदस्य शिवप्रसाद हुमागाइं र श्यामप्रसाद हुमागाइँलाई कोरोना पुष्टि भएको थियो ।

केन्द्रीय सदस्य फर्मुल्लाह मन्सुरलाई कात्तिक १९ गते कोरोना पुष्टि भयो भने शुक्रबार मात्रै केन्द्रीय सदस्य सुरेन्द्रराज पाण्डे, दिलेन्द्रप्रसाद बढु, किरण यादव र सुजाता परियारलाई कोरोना पुष्टि भएको छ ।

केन्द्रीय सदस्यहरु अजयकुमार चौरसिया र रमेश रिजाललाई गत भदौ र असोज महिनामै कोरोना संक्रमण पुष्टि भएर निको भइसकेका छन् । कांग्रेसका पदाधिकारीहरु पार्टीको विभिन्न अनौपचारिक र औपचारिक बैठकमा सहभागी हुँदा कन्ट्याक्ट ट्रेसिङका कारण क्वारेन्टाइनमा बारम्बार बस्नु परेको छ ।

केन्द्रीय सदस्य सुचित्रा चौधरी र आमन्त्रित केन्द्रीय सदस्य शम्भु श्रेष्ठ पनि कोरोना भाइरसबाट संक्रमित भइसकेका छन् । संक्रमित भएका र हाल निको नभएका नेताहरु भने बैठकमा सहभागी हुने छैनन् ।

काेरोना महामारी फैलिएसँगै कांग्रेस केन्द्रीय सदस्यहरु कुलबहादुर गुरुङ र नरहरी अचार्य पार्टीको औपचारिक बैठकमा स्वास्थ्यका कारण त्यति धेरै सक्रिय नहुने गरेका छन् । पार्टी प्रवक्ता विश्वप्रकाश शर्मा भने संयुक्त राज्य अमेरिकातर्फ गएकाले उत्तै अड्किएका छन् ।

सम्बन्धित समाचार

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०७७ कार्तिक २१, १५: २६

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
  • २०७७ कार्तिक २१, १५: २६

उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...

अस्ताउँदो सूर्यलाई दिइयो अर्घ्य
अस्ताउँदो सूर्यलाई दिइयो अर्घ्य
  • २०७७ कार्तिक २१, १५: २६

काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...