गाउँपालिका अध्यक्षले बिबाह गर्ने भए उपाध्यक्षलाई, मुख्यमन्त्री अतिथि

नयाँ विकल्प
प्रकाशित मिती: २०७७ मंसिर २५, १६: ५९

नयाँ बिकल्प,

पोखरा – काश्कीको माछापुछ्रे गाउँपालिकाको अध्यक्षमा निर्वाचित भएको साडे तीन वर्षपछि कर्णबहादुर गुरुङले बिबाह गर्ने भएका छन् । गाउँपालिकाका अधयक्ष गुरुङले मुस्ताङको घरपजोङ गाउँपालिकाकी उपाध्यक्ष शर्मिला गुरुङलाई बिबाह गर्ने भएका हुन् ।

भोली मंसिर २६ गते शुक्रबार गुरुङ समुदायको परम्परा अनुसार गाउँपालिकाका अध्यक्ष कर्णबहादुर र उपाध्यक्ष शर्मिला विवाह बन्धनमा बाँधिन लागेका हुन् ।

माघी विवाह गरेका उनीहरुको वैवाहिक कार्यक्रम भने पोखराको एक गुम्बामा हुने र बैबाहिक कार्यक्रमको प्रमुख अतिथि मुख्यमन्त्री पृथ्वी सुब्बा गुरुङ हुने पारिवारिक श्रोतबाट थाहा भएको छ ।

कोरोना भाइरसको संक्रमणको जोखिम रहेकोले विवाहमा धेरैलाई निमन्त्रणा नगरिएको बताइएको छ । विवाह बन्धनमा बाँधिन लागेका अध्यक्ष र उपाध्यक्ष दुबै जना तत्कालिन नेकपा एमालेबाट २०७४ साल बैशाखमा भएको स्थनीय तहको निर्वाचनमा निर्वाचित भएका हुन् ।