काठमाडौंको ५ स्थानबाट कांग्रेसकाे जुलुस निस्कने, यस्ताे छ तयारी ! – Naya Bikalpa
November 16, 2026, Monday      Epaper

काठमाडौंको ५ स्थानबाट कांग्रेसकाे जुलुस निस्कने, यस्ताे छ तयारी !


नयाँ विकल्प,

काठमाडौ– नेपाली कांग्रेसले सोमबार देशभर विरोध प्रदर्शनको तयारी गरिरहँदा जिल्ला कार्यसमिति काठमाडौंले पाँच स्थानबाट जुलुस–¥याली निकाली शान्तिबाटिका रत्नपार्कमा विरोध प्रदर्शन गर्ने भएको छ ।

नेपाली कांग्रेस जिल्ला कार्यसमिति काठमाडौंको सभापति सवुज (कृष्ण) बानियाँका अनुसार काठमाडौं जिल्लाले सोमबार हुने सरकारबिरोधी प्रदर्शनमा जिल्लाका १० वटा क्षेत्रिय समितिले पाँच फरक–फरक ठाउँबाट जुलुस निकाल्ने तयारी भएको छ ।

काठमाडौंको निर्वाचन क्षेत्र नं १ ले पद्मोदय मोडबाट क्षेत्र नं २, ३ र ४ ले पुतलीसडकबाट, क्षेत्र नम्वर ५,६ र ७ ले लैनचौरबाट, क्षेत्र नं ८ ले बसन्तपुरबाट र क्षेत्र नं ९ र १० ले शहिदगेटबाट छुट्टाछुट्टै जुलुस निकाल्ने भएका छन् ।

पाँच ठाउँबाट निकालिएको विरोध ¥याली त्रिचन्द्र कलेज अघि एकीकृत भइ बागबजारबाट पुतलीसडक, पद्मोदयमोड, प्रदर्शनीमार्ग, भद्रकाली, शहिदगेट, सुन्धारा, भोटाहिटी हुँदै शान्तिबाटिका पुग्ने भएको छ ।

काठमाडौं जिल्लामा केन्द्रीय प्रतिनिधिको रुपमा नेता रामचन्द्र पौडेल खटिएका छन् । प्रमुख वक्ताको रुपमा पौडेलाई खटाइएको छ भने अन्या युवा वक्ताहरु पनि समावेस गरिएको छ ।

सोमबारको प्रदर्शन व्यवस्थित, भव्य र बृहत बनाउन पार्टीकोे जिल्ला स्तरिय भ्रातृ संगठनहरु नेपाल महिला संघ, नेपाल तरुण दल, नेपाल विद्यार्थी संघ लगायतलाई परिचालन गरिएको छ । प्रदर्शनमा सामाजिक दूरी कायम गरी अनिवार्य माक्सको प्रयोग गर्न सूचित गरिएको छ ।

सम्बन्धित समाचार

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७७ मंसिर २८, १७: १६

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०७७ मंसिर २८, १७: १६

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०७७ मंसिर २८, १७: १६

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...