अस्पताल भन्छ –पूर्वमन्त्री जोशीको भेन्टिलेटरमा उपचार हुँदैछ, तर फेसवुकबाट नेताले अफबाह फैलाए – Naya Bikalpa
November 16, 2026, Monday      Epaper

अस्पताल भन्छ –पूर्वमन्त्री जोशीको भेन्टिलेटरमा उपचार हुँदैछ, तर फेसवुकबाट नेताले अफबाह फैलाए


नर्भिक इन्टरनेशनल हस्पिटलमा मष्तिष्कघात भई उपचार गराइरहेका नेपाली कांग्रेसका युवा नेता तथा पूर्वमन्त्री नवीन्द्रराज जोशीको अवस्था गम्भीर रहेको अस्पतालले जनाएको छ ।

गत फागुन १३ गते मस्तिष्कघात भएर बीर अस्पतालमा र १४ गते बिहानदेखि नर्भिक अस्पतालमा भर्ना भएका जोशीको स्वास्थ्य अवस्था गम्भिर भएको जनाइएको छ । तर, सामाजिक सञ्जालमा मंगलबार साँझदेखि अफबाह फैल्याईएको छ । अस्पतालका अनुसार जोशीलाई मस्तिष्क सम्वन्धी समस्या थ्यालेमिक ह्यामरेज भएको हो ।

‘केही दिनको उपचारपछि जोशीको अवस्थामा सुधार आएपछि आफैंले श्वासप्रश्वास गरेको र केही दिन भेन्टिलेटरको सपोर्टबिना नै राखिएको थियो । तर, अवस्था पुनः बिग्रिएपछि उहाँलाई पुनः भेन्टिलेटरको पूर्ण सपोर्टमा राखिएको छ ’ अस्पतालले भनेको छ ।

अस्पतालका कर्पोरेट कम्युनिकेसन र जनसम्पर्क विभागका प्रमुखले बुधबार बिहान ७ बजे जारी गरेको विज्ञप्तिमा हाल भेन्टिलेटरमै राखेर जोशीको उपचार जारी राखिएको र उनको अहिलेको अवस्था गम्भीर रहेको जनाएका छन् ।

नेपाली कांग्रेसका केन्द्रीय सदस्य तथा खेलकुद विभाग प्रमुख मोहनबहादुर बस्नेत, कांग्रेसबाट काठमाडौं क्षेत्र नं १० निर्वाचित प्रतिनिधिसभा सदस्य राजन केसी, नेविसंघ अध्यक्ष राजिप ढुंगानाले अस्पतालको विज्ञप्ति र परिवारका सदस्यको आग्रहलाई समेत बेवास्था गर्दै सामाजिक सञ्जाल फेसबुकको दुरुपयोग गर्दै मृत्युको हल्ला फैल्याएका हुन् ।

नेता जोशीका परिवारका सदस्यले समेत उनको बारेमा सामाजिक सञ्जालमा आएका समाचारलाई लिएर दुःख व्यक्त गरेका छन् । जोशीको आधिकारिक फेसवुकमा पोष्ट गरिएको सन्देशमा व्यक्तिको निधन जस्तो अति संवेदनशील विषयमा अनुमानको भरमा समाचार नदिन अनुरोध गरेका छन् ।

केही केन्द्रीय सदस्यले सामाजिक सञ्जाल फेसवुकमा स्टाटस पोष्ट गर्दै जोशीको निधन भएको भनी श्रद्धाञ्जली दिएका थिए ।

जोशीको फेसवुकमा यस्तो भनिएको छ –‘ नेपाली कांग्रेसका नेता श्री नविन्द्रराज जोशीज्यूको स्वास्थ्यलाई लिएर सामाजिक सञ्जालमा आएका समाचारहरूप्रति हाम्रो गम्भीर ध्यानाकर्षण भएको छ ।

उहाँको अहिले पनि थापाथलीस्थित नर्भिक अस्पतालमा भेन्टिलेटरमा राखेर उपचार भइरहेकाले भ्रमपूर्ण समाचारहरूमा कुनै सत्यता नरहेको प्रष्ट पार्न चाहन्छौं । कुनै पनि व्यक्तिको निधन जस्तो अति संवेदनशील विषयमा अनुमानको भरमा समाचार सम्प्रेषण नगरिदिनु हुन सरोकारवाला सबैमा अनुरोध गरिन्छ ।’

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७७ चैत्र ४, १२: १४

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७७ चैत्र ४, १२: १४

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७७ चैत्र ४, १२: १४

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...