सीके प्रसाईंकी धर्मपत्नी गिरिराजकुमारीको निधन – Naya Bikalpa
November 16, 2026, Monday      Epaper

सीके प्रसाईंकी धर्मपत्नी गिरिराजकुमारीको निधन


नयाँ बिकल्प,
काठमाडौं । प्रजातान्त्रिक समाजबादका व्याख्याता तथा नेपाली कांग्रेसका समाजबादी चिन्तक स्वर्गीय सीके प्रसाईंकी धर्मपत्नी तथा कांग्रेस नेतृ गिरिराजकुमारी प्रसाईंको बुधबार बिहान झापामा निधन भएको छ ।

बिर्तामोडको बीएण्डसी अस्पतालमा आज बिहान निधन भएको नेपाली कांग्रेसका आमन्त्रित केन्द्रीय सदस्य शुधिरकुमार शिवाकोटीले जनाए । बिसं. १९८९ सालमा जन्मिएकी गिरिराजकुमारी पति सीके प्रसाईंसँगै आठ वर्ष भारतमा निर्वासित जीवन बिताएकी थिइन् ।

२०१७ सालमा प्रजातन्त्रको अन्त्य गरी पञ्चायति व्यवस्थाको बहालीसँगै प्रसाईको सयौं विघा जमिनसँगै श्रीसम्पति सरकारले नियन्त्रणमा लिएको थियो । सर्वोस्वहरण गरिएका सिके प्रसाईंलाई २०४७ सालपछि सरकारले केही जग्गा जमिन मात्र फिर्ता दिएको थियो ।

२०५६ सालको संसदीय निर्वाचनमा तत्कालिन नेकपा एमालेबाट उम्मेदवार बनेका केपी शर्मा ओलीसँग १७ मतले पराजित भएकी गिरिराजकुमारी झापा क्षेत्र नंम्वर २ बाट पटक पटक महाधिवेशन प्रतिनिधि भएकी थिइन् ।

सर्वस्वहरणपछि भारतमा निर्वासित जीवन विताएकी गिरिराजकुमारीले २०३१ सालमा दुई वटा विषयमा स्नातकोत्तर गरेकी थिइन् । प्रसाईंका एक छोरा विवेक प्रसाईं र दुई छोरी छन् । समाजबादी चिन्तक सिके प्रसाईंको भने २०५१ सालमै निधन भएको थियो ।

कांग्रेसका संस्थापक नेताहरु बीपी कोइराला र कृष्णप्रसाद भट्टराईका सहकर्मी तथा समाजबादी चिन्तक प्रसाईं प्रसिद्ध लेखक पनि हुन् ।

नेपाल महिला संघको स्थापनादेखि पूर्वी नेपालमा महिला संघको संगठन बिस्तार बलियो बनाउन गिरिराजकुमारीको योगदान र सहयोग अविश्मरणीय भएको पूर्वसांसद शिवाकोटीले बताए । नेतृ प्रसाईंको आजै कन्काई नदीमा अन्त्येष्टि गरिएको थियो ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७७ चैत्र ११, १५: २०

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७७ चैत्र ११, १५: २०

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७७ चैत्र ११, १५: २०

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...