ट्रम्प फेसबुक, ट्विटर र गुगलविरुद्ध अदालत जाने

एजेन्सी
प्रकाशित मिती: २०७८ असार २४, २१: ५७

नयाँ विकल्प,

एजेन्सी – अमेरिकाका पूर्व राष्ट्रपति डोनाल्ड ट्रम्पले फेसबुक, ट्विटर र गुगलविरुद्ध अदालत जाने भएका छन्। ट्रम्पले फेसबुक, ट्विटर र गुगलविरुद्ध अदालतमा मुद्धा दर्ता गर्ने घोषणा गरेका समाचार एजेन्सी एएफपीले जनाएको हो ।

उनले गलत तरिकाले आफ्नो आवाज दबाएको भन्दै मुद्धा दर्ता गर्न लागेको बीबीसीले जनाएको छ । यो वर्षको सुरुवातमा ट्रम्पका समर्थकले हिंसात्मक गतिविधि गर्न थालेपछि फेसबुक र ट्विटरले उनीमाथि प्रतिबन्ध लगाएको थियो ।

वासिङ्टनमा रहेको क्यापिटल हिलमा भएको हिंसात्मक घटनाको विषयमा गरेको पोस्टको विषयलाई लिएर सामाजिक सञ्जालहरुले ट्रम्पमाथि प्रतिबन्ध लगाएका हुन् ।

सामाजिक सञ्जालमा ट्रम्पले प्रदर्शनकारीहरुलाई घर फर्किन निर्देशन दिनुभन्दा पहिला ‘आई लभ यू’ भन्ने सन्देश पठाएका थिए । ट्रम्पले राष्ट्रपतीय चुनावमा धाँधली भएको आरोप लगाउँदै आएका छन् ।

सम्बन्धित समाचार

नतिजा सार्वजनिक भएको दुई साताभित्रै ट्रान्सक्रिप्ट उपलब्ध गराइने

२०७८ असार २४, २१: ५७

काठमाडौँ : देशका विश्वविद्यालयहरूले परीक्षाफल सार्वजनिक गरेपछि १५ दिनभित्र विद्यार्थीलाई ट्रान्सक्रिप्ट उपलब्ध गराउने व्यवस्था लागू गर्ने सहमति गरेका छन् ।...