
काठमाडौं । मन्त्रिपरिषदकाे विषयलाई लिएर विवादमा मुछिएपछि प्रधानन्यायाधीश चोलेन्द्र शम्शेर राणाविरुद्ध सर्वोच्च अदालतका अन्य न्यायाधीशहरूले विद्रोह गरेका छन् ।
प्रधानन्यायाधीश राणाले सोमबारका लागि बोलाएको फुलकोर्ट बहिस्कार गर्ने निर्णय गर्दै १४ जना न्यायाधीशहरूले राणाविरुद्ध विद्रोह गरेका हुन् । तर मध्यमार्गी देखिएका न्यायाधीशहरू कुमार रेग्मी, हरि फुँयाल र नहकुल सुवेदी भने न्यायाधीशहरूको छलफलमा सहभागी भएका थिए । प्रधानन्यायाधीश राणाले न्यायिक आचरणविपरीत काम गरेको जिकिर छलफलमा सहभागी एक न्यायाधीशले गरे ।
आइतबार १४ जना न्यायाधीशहरूको अनौपचारिक बैठक बसेर राणाले राजीनामा गरी अर्को न्यायिक नेतृत्वका लागि बाटो खुला गर्नुपर्ने निष्कर्ष निकालेको छ ।
न्यायालयको गरिमा बचाउन प्रधानन्यायाधीश राणालाई बहिष्कार गर्न बाध्य भएको नाम उल्लेख नगर्ने शर्तमा एक न्यायाधीशले नयाँ विकल्पसंग भने, ‘राणासँग अब नेतृत्व गर्ने नैतिकता छैन, अब मार्गप्रशस्त गर्छन् भन्ने ठहर हाम्रो हो, आफै पेशी तोक्ने र पद जोगाउन सैदाबाजी गर्ने, लेनदेनका कुरा गरेर अल्मल्याउने प्रयास गरे भने न्यायालयको गरिमा बचाउन बहिष्कार गर्न बाहेक अर्को विकल्प छैन ।’
‘न्यायालय भित्रको यस्तो गतिविधिले पश्न चिन्ह खडा भएको छ, सर्वसाधारणको बुझाइलाई स्पष्ट पार्न पनि प्रधानन्यायाधीश राणाले पदबाट राजीनामा दिनै पर्छ ।’ एक न्यायाधीशले भने ।
बर्दघाट — पूर्व–पश्चिम राजमार्गअन्तर्गत पश्चिम नवलपरासीको बर्दघाट नगरपालिका–४ स्थित ‘यस मोड’ नजिकै सोमबार बिहान यात्रुवाहक बस दुर्घटना हुँदा चालक र...
१. भदौ १०को महाविपत्ति चाहे त्यो हिमालको भयानक हिमाली चट्टान तल ल्हेन्दे नदीमा बज्रेर होस् या भूकम्पीय झड्काले हिमनदी...
१. श्रावण १०पछि देखिएको अभूतपूर्व राष्ट्रिय एकता सुनसरी जिल्लाको देवानगन्ज गाउँपालिकाको कप्तानगन्जमा सामान्य वादविवादपछि जुन प्रकारले परिस्थिति हिन्दु मुस्लिम...