
विराटनगर । नेपाली काँग्रेसका नेता प्रकाशमान सिंहले न्यायालयको विवादमा सरकार मुखदर्शक भएर बस्न नमिल्ने बताएका छन् । विराटनगर विमानस्थलमा पत्रकारहरुसंग कुरा गर्दै नेता सिंहले राज्य सञ्चालनको महत्वपूर्ण अगंकोरुपमा रहेको न्यायपालिका स्वतन्त्र निकाय भएकाले उत्पन्न विवादलाई निरुपण गर्न सरकारले विधि र विद्यानसम्मत तरिकाले समाधान खोज्नुपर्ने बताएका हुन् ।
नेता सिंहले न्यायालयलाई एक–दुई जना व्यक्तिका कारण अन्धकारको भुमरीमा धकेल्न र सम्पूर्ण न्यायपालिकालाई विकृत बनाउन नहुने उनको भनाई छ । उनले भने, ‘न्यायालय स्वतन्त्र निकाय हो । सरकार न्यायपालिकामा भइरहेको विवादमा मुख दर्शक हुनुहुँदैन । विधि र नियमअनुसार सरकारले छिटो न्यायालयको विवाद समाधान गर्नुपर्दछ ।’

फरक प्रसंगमा नेता सिंहले वर्तमान अवस्थामा अर्लि इलेक्शनको सम्भावना नरहेका बताए । संघीय र स्थानीय निकायको निर्वाचन समयसीमा नै हुनेमा विश्वस्थ रहन आग्रह गरे ।
नेपाली काँग्रेसको नेतृत्व परिर्वतनमा नयाँ सोच, विचार र योजनाअनुरुप काँग्रेसको नेतृत्व गर्न पार्टीको आगामी महाधिवेशनमा सभापति पदमा उम्मेदवारी दिने समेत दोहोर्याए । उनले भने,‘ वर्तमान पार्टी नेतृत्व असफल भइसक्यो, नेतृत्वलाई जनताले विश्वास गर्न छाडे । पार्टी विधिविद्यानमा होइन् मनपरि चल्न थाल्यो यसकारण नेतृत्व परिवर्तन जरुरी छ ।’



काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...
सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...