मिथिला र विदुरलाई हरितारा चलचित्र पुरस्कार प्रदान

नयाँ विकल्प
प्रकाशित मिती: २०७९ जेष्ठ १८, २२: ००

नयाँ विकल्प,

काठमाडौं – हरितारा चलचित्र पुरस्कार, श्री दुर्गादेवी पुण्य निरौला स्मृति पुरस्कार, फिल्मर्की चेतन कार्की स्मृति पुरस्कार र परिवर्तन सम्मान एकसाथ प्रदान गरेको छ ।

परिवर्तन नेपालले एकसाथ आज एक कार्यक्रमका आयोजना गरि पुरस्कार सम्मान गरेको हो। कार्यक्रममा वर्ष २०७७र०७८ को हरितारा चलचित्र पुरस्कार क्रमशः अभिनेत्री मिथिला शर्मा र पत्रकार विदुर गिरीलाई प्रदान गरियो ।

अभिनेत्री शर्मालाई कलाकारिताको योगदान र गिरीलाई पत्रकारिताको योगदानको कदर गर्दै पुरस्कार दिइएको हो । पुरस्कारको राशि जनही २५ हजार रुपियाँ रहेको छ ।

२०५२ सालमा समाजसेवी श्रीमती विजया राणा (तारा नानी)ले पति हरि शम्सेरसमेतको नाममा अक्षय कोष खडा गरी स्थापना गरेको हरितारा चलचित्र पुरस्कार फिल्म क्षेत्रकै पहिलो पुरस्कार हो ।