नेकपा एमालेले अघि सार्यो आफ्ना मुख्य ३ एजेन्डा | Naya Bikalpa
September 29, 2022, Thursday

नेकपा एमालेले अघि सार्यो आफ्ना मुख्य ३ एजेन्डा

नयाँ विकल्प,

काठमाडौं – नेकपा एमालेले आगामी मंसिर ४ गते हुने प्रदेश र प्रतिनिधिसभा निर्वाचनमा मुख्यगरी तीन एजेण्डा अघि सार्ने भएको छ । राष्ट्रियता, संविधानको कार्यान्वयन र जनजीविकालाई पार्टीले प्रमुख चुनावी एजेण्डा बनाउने नेताहरुको भनाइ छ । एमाले पोलिटब्युरो सदस्य आनन्द पोखरेलले राष्ट्रियताको जगेर्ना, संविधानको कार्यान्वयन र विकाससँगै जनताको सहज जनजीविकाको सवाललाई चुनावमा पार्टीले प्रमुखताका साथ उठाउने बताए ।

उनले संविधानको सही कार्यान्वयन भएमात्रै स्थायित्व हुने भएकाले त्यसको रक्षाका लागि एमाले प्रतिवद्ध र कटिबद्ध भएको कुरामा जनतालाई विश्वस्त बनाउने बताए । उनका अनुसार संविधान निर्माण गर्दा कतिपय जातीय पहिचानको कुरा गर्नेहरुलाई मन परेको छैन । हिन्दु राज्य हुनुपर्छ भन्नेहरु, राजतन्त्रको वकालत गर्नेहरु र छिमेकी देश तथा युरोपियन युनियनलगायतलाई पनि मन नपरेको अवस्थामा एमालेले संविधानको सही कार्यान्वयन भएमात्रै स्थायित्व हुनेकुरा जनतालाई बुझाउने उनको भनाइ छ ।

पछिल्लो समय अदालत समेत संविधानको प्वाल अगाडि आएको भन्दै एमालेले त्यस्ता कुराको भण्डाफोर गर्ने उनले बताए । पोखरेलका अनुसार विकास निर्माण र जनजीविकाको सवाललाई एमालेले चुनावी एजेण्डाका रुपमा अघि सार्ने छ ।

‘एमाले हारे देश हार्ने’ बताएको एमालेले सोही अनुसार आफ्ना नेता कार्यकर्ता परिचालनदेखि उम्मेदवार छनोटसम्ममा विशेष ध्यान दिने अध्यक्ष केपी ओलीको भनाइ छ ।अध्यक्ष ओलीले मंसिरको चुनावलाई सामान्य चुनावका रुपमा नलिएर महासंग्रामको संज्ञा दिदै जित्नैपर्ने गरी अघि बढ्न देशभरका आफ्ना नेता कार्यकर्तालाई निर्देशन दिइसकेका छन् ।

सम्बन्धित समाचार

फ्लोरिडामा शक्तिशाली तुफान
फ्लोरिडामा शक्तिशाली तुफान
  • २०७९ श्रावण २०, २०: ५०

एजेन्सी । अमेरिकाको फ्लोरिडा राज्यस्थित दक्षिण–पश्चिमी तटमा शक्तिशाली तुफान इयानको प्रकोप देखिएको छ।इयानको कारण भारी वर्षा र बाढी आएको छ...

कांग्रेसले प्रतिनिधिसभामा ८६ सिट पाउने्
कांग्रेसले प्रतिनिधिसभामा ८६ सिट पाउने्
  • २०७९ श्रावण २०, २०: ५०

काठमाडौं । नेपाली काँग्रेसले प्रतिनिधिसभामा गठबन्धनबाट ८६ सिट पाउने भएको छ । सत्ता गठबन्धनको बसेको बैठकमा कांग्रेसले ८६ सिट पाउने...

नक्कली प्रहरी द्वारा ललितपुरको एक घरमा लुटपाट
नक्कली प्रहरी द्वारा ललितपुरको एक घरमा लुटपाट
  • २०७९ श्रावण २०, २०: ५०

काठमाण्डौ । महालक्ष्मी नगरपालिका–८ लुभुको चसी टोलमा रहेको विष्णुकुमारी गोलेको घरमा लुटपाट भएको हो । आफूहरु प्रहरी भएको र सुरक्षा...