सुरक्षा व्यवस्था कायम गर्न नसक्ने बालाजुका डीएसपी विष्टको जिम्मेवारी खोसियो – Naya Bikalpa
November 17, 2026, Tuesday      Epaper

सुरक्षा व्यवस्था कायम गर्न नसक्ने बालाजुका डीएसपी विष्टको जिम्मेवारी खोसियो

काठमाडौं । यातायात मजदुरको आन्दोलनका कारण सोमबार बालाजु र गङ्गबु नयाँ वसपार्क क्षेत्रमा भएको अराजक र तनावपूर्ण घटनालाई नियन्त्रण गर्न नसकेको भन्दै प्रहरी बृत्त बालाजुका डीएसपी (प्रहरी नायव उपरिक्षक) रविन विष्टको जिम्मेवारी खोसिएको छ ।

आवश्यक सुरक्षा व्यवस्था कामय गर्न नसक्दा सोमबार बालाजुमा डीएसपी चढ्ने सवारी साधनमा आगजानी, प्रहरीकै अर्को सवारीमा आन्दोलनमा उत्रिएका यातायात मजदुरहरुले तोडफोड र प्रहरी विटमा आगजनी गरेका थिए ।

आन्दोलनका क्रममा डीएपी विष्टको बा २ झ १४४ नम्बरको गाडी आगजनी भएको थियो भने बालाजु प्रहरीको बा १ झ ७२२४ नम्बरको गाडी तोडफोड भएको थियो ।

घटनापछि देखिएको आवश्यकता अनुसार सुरक्षा व्यवस्था मजबुत बनाउन उपत्यका प्रहरी कार्यालयले विष्टलाई जिम्मेवारीबाट हटाएको र उनको ठाउँमा डीएसपी मनोजित कुँवरलाई पठाइएको प्रहरीले जनाएको छ ।

ट्राफिक प्रहरीले जरिवाना बढाएको भन्दै भएको प्रदर्शनले उग्र रुप लिँदा बसपार्क, माछापोखरी लगायतका क्षेत्रमा तोडफोड र आगजनी भएको थियो । बसपार्कमा भिडले मोबाइल पसलमा छिरेर लुटपाट समेत गरेको थियो । घटनाबारे प्रहरीले विस्तृत अनुसन्धान गरिरहेको छ ।

बिस्टमाथि प्रहरीको गाडी जल्दा पनि स्थिति नियन्त्रणमा लिन नसकेको आरोप छ । उनको सवारीमा आगजनी हुँदा उनी घटनास्थलमै थिए ।

सम्बन्धित समाचार

काठमाडौं उपत्यकामा मासु परीक्षण र छाप लगाउने कार्य सुरु
काठमाडौं उपत्यकामा मासु परीक्षण र छाप लगाउने कार्य सुरु
  • २०७९ फाल्गुन २, १३: ०५

काठमाडौं । पशु सेवा विभागले काठमाडौं उपत्यकामा ‘पशु वधशाला र मासु जाँच ऐन, २०५५’ को औपचारिक कार्यान्वयन सुरु गरेको छ...

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७९ फाल्गुन २, १३: ०५

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७९ फाल्गुन २, १३: ०५

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...