
काठमाडौं । यातायात मजदुरको आन्दोलनका कारण सोमबार बालाजु र गङ्गबु नयाँ वसपार्क क्षेत्रमा भएको अराजक र तनावपूर्ण घटनालाई नियन्त्रण गर्न नसकेको भन्दै प्रहरी बृत्त बालाजुका डीएसपी (प्रहरी नायव उपरिक्षक) रविन विष्टको जिम्मेवारी खोसिएको छ ।
आवश्यक सुरक्षा व्यवस्था कामय गर्न नसक्दा सोमबार बालाजुमा डीएसपी चढ्ने सवारी साधनमा आगजानी, प्रहरीकै अर्को सवारीमा आन्दोलनमा उत्रिएका यातायात मजदुरहरुले तोडफोड र प्रहरी विटमा आगजनी गरेका थिए ।
आन्दोलनका क्रममा डीएपी विष्टको बा २ झ १४४ नम्बरको गाडी आगजनी भएको थियो भने बालाजु प्रहरीको बा १ झ ७२२४ नम्बरको गाडी तोडफोड भएको थियो ।
घटनापछि देखिएको आवश्यकता अनुसार सुरक्षा व्यवस्था मजबुत बनाउन उपत्यका प्रहरी कार्यालयले विष्टलाई जिम्मेवारीबाट हटाएको र उनको ठाउँमा डीएसपी मनोजित कुँवरलाई पठाइएको प्रहरीले जनाएको छ ।
ट्राफिक प्रहरीले जरिवाना बढाएको भन्दै भएको प्रदर्शनले उग्र रुप लिँदा बसपार्क, माछापोखरी लगायतका क्षेत्रमा तोडफोड र आगजनी भएको थियो । बसपार्कमा भिडले मोबाइल पसलमा छिरेर लुटपाट समेत गरेको थियो । घटनाबारे प्रहरीले विस्तृत अनुसन्धान गरिरहेको छ ।
बिस्टमाथि प्रहरीको गाडी जल्दा पनि स्थिति नियन्त्रणमा लिन नसकेको आरोप छ । उनको सवारीमा आगजनी हुँदा उनी घटनास्थलमै थिए ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...