- अनामनगर काठमाडौँ
- infobikalpa21@gmail.com
काठमाडौं। भियतनाममा यागी आँधीका कारण हालसम्म १२७ जनाको मृत्यु भएको छ।
विभिन्न समाचार एजेन्सीहरुका रिपोर्टअनुसार भियतनाममा यागी आँधीका कारण हालसम्म १२७ जनाको ज्यान गएको छ भने ५४ जना बेपत्ता भएका छन्।
हावाहुरीका कारण शनिबारदेखि भारी वर्षा र बाढीको अवस्था सिर्जना भएको छ। पहिरोका कारण अवस्था बिग्रिएको छ। उत्तरी भियतनाममा हजारौं मानिस घरको छानामा फसेका छन्।
सामाजिक सञ्जालमा धेरैले सहयोगको अपिल गरेका छन्। टाइफुन यागी भियतनाममा विगत ३० वर्षयताकै सबैभन्दा शक्तिशाली आँधी हो, जसले देशको उत्तरी भागमा विनाश मच्चाएको छ।
फु थो प्रान्तमा फोङ चाउ पुल भत्किँदा धेरै सवारी साधन पानीमा डुबेका छन्। आँधी यागी पश्चिमतर्फ सर्ने क्रममा क्षति बढ्ने अधिकारीहरूले चेतावनी दिएका छन्।
यागी आँधीमा १५० किलोमिटर प्रतिघण्टाको गतिमा हावा चलेको थियो। बाढी र पहिरोका कारण धेरै पुल र भवनहरु भत्किएका छन्।
भियतनाम भन्दा पहिले दक्षिणी चीन र फिलिपिन्समा यागी आँधीका कारण २४ जनाको ज्यान गएको थियो।
काठमाडौँ : नेपाली कांग्रेसले संसदीय दलको नेता चयन प्रक्रिया अघि बढाउने सन्दर्भमा आफ्ना प्रतिनिधि सभा सदस्यहरूसँग छलफल गर्ने तयारी गरेको...
काठमाडौं : नेपाल क्रिकेट संघ (क्यान) ले युएईसँग हुने टी–२० अन्तर्राष्ट्रिय सिरिज र आइसिसी विश्वकप लिग–२ का लागि छुट्टा छुट्टै नेपाली...
काठमाडौंः स्थानीय बजारमा आज सुनचाँदीको मूल्यमा सामान्य गिरावट आएको छ । सुन प्रतितोला रु तीन हजार र चाँदी रु १२०...
