काठमाडौंसँग पराजित हुँदै लुम्बिनी प्लेअफ दौडबाट बाहिरियो

नयाँ विकल्प संवाददाता
प्रकाशित मिती: २०८१ मंसिर २६, १६: ३३

काठमाडौं : लुम्बिनी लायन्स नेपाल प्रिमियर लिग (एनपीएल) को प्लेअफ दौडबाट बाहिरिएको छ । काठमाडौं गुर्खाजसँग पराजित भएसँगै लुम्बिनी प्लेअफ होडबाट बाहिरिएको हो ।

बुधबार भएको खेलमा काठमाडौंसँग लुम्बिनी १८ रनले पराजित भएको हो । ६ खेल खेलिसकेको लुम्बिनीले जम्मा १ खेल जित्दा ५ खेलमा हार व्यहोरेको छ । अब लुम्बिनीले लिग चरणको एक खेल मात्र खेल्न बाँकी रहेको छ ।

काठमाडौंले दिएको १०४ रनको लक्ष्य पछ्याएको लुम्बिनी १९.२ ओभरमा सबै विकेट गुमाएर ८५ रनमा अलआउट भयो ।

लुम्बिनीका लागि सन्दिप जोराले २९ बल खेल्दै २ चौका मदतमा सर्वाधिक २६ रन बनाए । यस्तै उन्मुक्त चन्दले १४ रन जोडे । सूर्य तामाङले अविजित ११ रन जोडे ।

काठमाडौंका कप्तान करण केसीले ४ ओभरमा १६ रन खर्चेर सर्वाधिक ४ विकेट लिए । दिपेश कँडेलले ४ ओभरमा ६ रन मात्र खर्चेर ३ विकेट लिए ।

त्यसअघि कीर्तिपुरस्थि त्रिवि क्रिकेट मैदानमा टस जितेर पहिले ब्याटिङ गरेको काठमाडौंले १९.२ ओभरमा सबै विकेट गुमाएर १०३ रन बनाएको थियो ।

काठमाडौंका लागि भिम सार्कीले सर्वाधिक ३१ रन बनाए । लुम्बिनीका साद विन जफरले ४ ओभरमा २१ रन खर्चेर ३ विकेट लिए । रामोन सिमोण्ड्स र अभिशेष गौतमले २–२ विकेट लिए ।

सम्बन्धित समाचार

राष्ट्रपतिले जारी गरे सम्पत्ति शुद्धीकरणसम्बन्धी अध्यादेश

२०८१ मंसिर २६, १६: ३३

काठमाडौं : राष्ट्रपति रामचन्द्र पौडेलले सम्पत्ति शुद्धीकरण निवारण अध्यादेश-०८३ जारी गरेका छन् । शुक्रबार राष्ट्रपति पौडेलले ‘सम्पत्ति शुद्धीकरण (मनी लाउण्डरिङ)...