प्रभु बैंकको वीर अस्पतालमा क्यास काउण्टर

नयाँ विकल्प
प्रकाशित मिती: २०७६ श्रावण ६, ०९: ०८

काठमाडौं । प्रभु बैंकले विर अस्पतालमा २४सै घण्टा क्यास काउन्टर सञ्चालन गरेको छ । चिकित्सा विज्ञान राष्ट्रिय प्रतिष्ठान, वीर अस्पतालबीच सम्पन्न सम्झौता बमोजिम गत शुक्रबारदेखि काठमाडांै महाबौद्धस्थित वीर अस्पतालको परिसरमा प्रभु बैंकको बैंकिङ्ग सेवा सहित २४ घण्टे क्यास काउण्टर सञ्चालनमा आएको छ ।

चिकित्सा विज्ञान राष्ट्रिय प्रतिष्ठान, बीर अस्पतालका उपकुलपति प्रा.डा. देवनारायण साहले एक समारोहका गरेर २४ घण्टे क्यास काउण्टरको उद्घाटन गरेका थिए ।

वीर अस्पताल परिसरमा सञ्चालनमा आएको प्रभु बैंक लिमिटेडको २४ घण्टे क्यास काउण्टरमा उपचारको लागि आउने सेवाग्राहीहरुले २४सै घण्टा बीर अस्पतालमा बुझाउनुपर्ने जुनसुकै रकम विना झण्झट सरल एवं सहज रुपमा जम्मा गर्न पाउने भएका छन् ।

प्रभु बैंकको क्यास काउण्टर चौबिसै घण्टा लगातार रुपमा सञ्चालन हुने भएकोले अबदेखि बीर अस्पतालमा उपचारका क्रममा आउने जुनसुकै विरामीले आफ््नो आवश्यकतानुसार जुनसुकै समयमा रकम जम्मा गरी अस्पतालको सेवा उपभोग गर्न पाउने बैंकले जानकारी दिएको छ ।

यसैगरी, प्रभु बैंकले साउदी अरबको मक्कामदिना जाने हज यात्रीका लागि सटही सुविधा उपलब्ध गराएको छ । बैंकले राजधानीको घण्टाघरस्थिर मस्जिदमै गएर सटही सुविधा उपलब्ध गराएको हो । करिव १२ सय नेपाली हजयात्रीहरुले सटही सुविधा लिएका छन् । राष्ट्र बैंकको नियम अनुसार एक जनाले बढीमा १५ सय डलर बराबर सटही सुविधा पाउँछन् ।

बैंकले बुधबार वीर अस्पतालमा एक्सटेन्सन काउन्टर खोलेको छ । कर्मचारी र बिरामीलाई लक्षित गरी काउन्टर खोलिएको बैंकका प्रमुख कार्यकारी अधिकृत अशोक शेरचनले जानकारी दिए । काउन्टर २४सै घण्टा खुला रहने छ । काउन्टरबाट अबदेखि अस्पताललाई बुझाउनुपर्ने सम्पूर्ण शुल्क तथा भुक्तानीहरु हुने छ ।