प्रभु बैंक र अर्विट मेडिकलबीच सम्झौता

नयाँ विकल्प
प्रकाशित मिती: २०७६ श्रावण १३, १०: ५४

काठमाडौं । प्रभु बैंक र अर्विट मेडिकल इन्ट्रान्स् प्रालिबीच सहमति पत्रमा हस्ताक्षर भएको छ । उक्त सहमतिअनुसार अर्विट मेडिकल इन्ट्रान्स् प्रालिको आधिकारिक बैंकमा प्रभु बैक रहेको छ ।
कम्पनीसँग आवद्ध शैक्षिक परामर्श सेवा उपलब्ध गराउने संस्थाबाट सिफारिस भइ आएका उच्च शिक्षा हासिल गर्न विदेश जाने विद्यार्थीले बैंकको सबै शाखाबाट नगद जम्मा गर्ने, विदेशी मुद्रा सटही सुविधा, स्वीफ्ट टीटी, अनलाइन पेमेन्ट, ड्राफ्ट आदिका माध्यमबाट गरिने आईईएलटीएस, टोफेल, स्याट् आदि शैक्षिक शुल्क भुक्तानी गर्न सक्ने र शैक्षिक कर्जा आवश्यक परेमा उपलब्ध गराइने उल्लेख छ ।

उक्त सहमति पत्रमा बैकका प्रमुख कार्यकारी अधिकृत अशोक शेरचन तथा अर्विट मेडिकल इन्ट्रान्स् प्रालिका प्रबन्ध संचालक सुनिल रेग्मीले हस्ताक्षर गरेका छन् । यसैगरी, प्रभु बैंकले खुद नाफामा छलाङ मारेको छ । अघिल्लो बर्ष ९६ करोड ७० लाख नाफा गरेको बैंकले यसपाली २ अर्ब ३ करोड नाफा आर्जन गरेको छ । यो शत प्रतिशतभन्दा माथि हो ।

बैंकले ब्यापार बिस्तार गरेर खुद आम्दानीमा उच्च सुधार गरेको छ। बैंकले ७३ अर्बको ऋणलाई ८६ अर्ब पुर्याएको छ । साथै ९७ अर्बको निक्षेपलाई १ खर्ब १२ अर्ब रुपैयाँ पुर्याएको छ । ब्यापार विस्तारका लागि चाहिने स्रोत जुटाएर बैंकले नाफा वृद्धि गरेको हो । बैंकले केही पुराना डुबेका ऋण पनि यो अवधिमा उठाएको छ ।

पछिल्लो तीन महिनामा मात्रै बैंकक नाफा ५९ करोड ८३ लाख रुपैयाँले बढेको छ । बैंकले खुद ब्याज आम्दानी २ अर्ब ८१ करोड रुपैयाँबाट बढाएर ४ अर्ब ५६ करोड रुपैयाँ पुर्याएको छ। बैंकको ब्याज स्प्रेड भने केही माथि छ । बैंकले ४.७ प्रतिशतको स्प्रेडमा काम गरेको छ । बैंकको आधार दर घटेर ९.३६ प्रतिशतमा आइसकेको छ ।