- अनामनगर काठमाडौँ
- infobikalpa21@gmail.com
नयाँ विकल्प,
ललितपुर – जिल्ला प्रशासन कार्यालय ललितपुरको आदेशका कारण प्रहरीले बन्द गराएको फुड बैंक ललितपुरको चापागाउँमा शुक्रबारबाट फेरि संचालनमा आएको छ ।
नेपाल तरुण दल ललितपुरको संयोजनमा चापागाउँको बाराही मन्दिर क्षेत्रमा संचालित फुड बैंंकको नेपाली कांग्रेसका केन्द्रीय सदस्य तथा तरुण विभाग प्रमुख शंकर भण्डारीले शुरुआत गरेका हुन् ।
‘हुनेले दिएर जाऔं, नहुनेले लिएर जाऔं’ भन्ने मूल नाराका साथ संचालनमा आएको फुड बैंकबाट सरकारले जारी गरेको निषेधाज्ञा र लकडाउनका कारण रोजगारी गुमेका कारण खाद्यान्न अभाव भएका स्थानीयलाई दाल चामल लगायको खाद्यान्न वितरण गरिँदै आएको छ ।
कोभिड १९ को महामारीका कारण धेरैले रोजागारी गुमाएको मानिसलाई खाद्यान्न नै अभाव हुन थालेपछि फुड बैंक संचालनमा ल्याइएको थियो । कांग्रेस नेता भण्डारीले समस्यामा परेका नागरिकलाई सहायता गर्ने कार्यको थालनी गरेकोमा तरुण दल ललितपुरलाई धन्यबाद दिएका छन् ।
निषेधाज्ञाको समयमा फुड बैंकमा खाद्यान्न लिन आउनेहरुको भिँडभाँड भएको र यसले भौतिक दूरी कायम नहुँदा कोरोना भाइरसको संक्रमण सर्न सक्ने भन्दै प्रहरीले चापागाउँमा संचालिन फुड बैंक चार दिनअघि रोक्न आयोजकलाई दबाब दिएको थियो ।
नेपाली कांग्रेस र कांग्रृेसका भ्रातृ संस्थाले संचालित कार्यक्रमले सत्तारुढ दल र सरकारलाई नराम्रो छाप पर्न गएको भन्दै फुड बैंक संचलनमा रोक लगाइएको तरुण दलको आरोप छ ।
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : हाल देशमा पश्चिमी वायुको आंशिक प्रभाव रहेको तथा हिमाली र पहाडी भागमा आंशिक बादल लागेको छ । मौसम...
काठमाडौँ : मधेश प्रदेशका प्रमुख सुरेन्द्रलाभ कर्णले नयाँ सरकार गठनका लागि मुख्यमन्त्री पदमा दाबी पेस गर्न आह्वान गरेका छन् ।...
