कब्जियतबाट कसरी बच्ने ? अपनाउनुहोस् यी ६ टिप्स

नयाँ विकल्प,

काठमाडौं- कब्जियत अहिले प्रायः सबै मानिसको साझा स्वास्थ्य समस्या हो। कब्जियतले पेटमा केही गडबढी भएको संकेत गर्छ। सबै उमेर समूहका मानिसमा देखिने यस समस्याबाट विशेषगरी वृद्धवृद्धा पीडित छन्।

कब्जियतबाट बच्ने विज्ञका केही टिप्स यस प्रकार छन्ः

१. प्रशस्त पानी पिउने
पानी कब्जियतको सबैभन्दा महत्वपूर्ण औषधि हो। प्रशस्त पानी र तरल पदार्थयुक्त खाना खाँदा कब्जियतबाट बच्न सकिन्छ। तर, पानीको नाममा सोडा पानी वा अन्य पेय पर्दाथ पिउनु कब्जियतको समाधान होइन।

२. फाइबरयुक्त खाना
जौ, गहुँ, रोटीजस्ता फाइबरयुक्त खानेकुरा पोषिलो मात्र होइन यसले कब्जियतबाट पनि जोगाउँछ।

३. फलफूल तथा सागसब्जी
ताजा फलफूल तथा सागसब्जीमा प्रशस्त फाइबर र तरल पर्दाथ हुने भएकोले हाम्रो समग्र पाचन पक्रियालाई फाइदा गर्छ। प्रशस्त हरियो सागसब्जी र ताजा फलफूल खाँदा कब्जियत नै हुँदैन।

४. गेडागुडी
भिटामिन र प्रोटिनयुक्त गेडागुडी नियमित सेवन गर्दा स्वभाविक रुपमा कब्जियत देखिँदैन।

५. उखुको जुस र मह
उखुको जुस, खुदो र मह कब्जियत मुक्त गर्ने खानेकुरा हुन्। उखुको रसमा आवश्यकताअनुसार मह मिसाएर खाँदा यसले राम्रो औषधिको काम गर्छ।

६. व्यायाम
उठबसलगायतका शारीरिक व्यायायमले पनि कब्जियत समस्या अन्त्य गर्ने विज्ञहरु बताउँछन्।