- अनामनगर काठमाडौँ
- infobikalpa21@gmail.com
आफूले गरेका हरेक काममा उत्कृष्टता हासिल होस्, सबैले मनपराउन्, अनुसरण गरुन् सबैले कामको प्रसंसा गरुन्, त्यसको कदर स्वरुप सरकारी र गैरसरकारी क्षेत्रबाट मान, सम्मान र पदक प्राप्त होस् भन्ने इच्छा चाहाना सबैलाई हुन्छ तर सबैलाई त्यस्तो अबसर प्राप्त हुँदैन ।
काम गर्नेलाई मात्र त्यो अवसर प्राप्त हुन्छ । त्यस्तै अबसर पाउने मध्यका चलचित्र सम्पादक मित्रदेव गुरुङले यो अवसर प्राप्त गदै अर्थात् चलचित्र अवार्ड थाप्दै विगत एक वर्षदेखि आफूलाई सर्वोत्कृष्ट चलचित्र सम्पादकका रूपमा उभ्याएका छन् । यसअघि पटक–पटक पदक थाप्दै आएका उनले यो बर्ष पनि त्यसलाई निरन्तरता दिएका छन् ।
गतवर्ष चलचित्र सम्बन्धी पदकमा ह्याट्रिक गरेका मित्रदेबले उक्त कार्यलाई यस वर्षबाट फेरि सुरु गरेका छन् । गतवर्ष उनले एउटै समयमा लगातार तीनवटा अवार्ड जितेका थिए । वर्षभरिका आधा दर्जन चलचित्र अवार्डमध्ये सबैमा मनोनयनमा परेका उनले जात्राबाट तुलसी सर्वोत्कृष्ट चलचित्र सम्पादक, एनएफडीसी राष्ट्रिय चलचित्र पुरस्कार २०७३ र कामना फिल्म अवार्ड २०७३ जितेका थिए । यी तीनवटा पदक एकै समयमा जित्दा उनलाई चलचित्र सम्पादनको लागि थुप्रै ठाउँबाट धेरै अफर आएको थियो ।
तीमध्येबाट छानेर चलचित्र सम्पादन गरेका उनले यसभन्दा अघि एनएफडीसी राष्ट्रिय चलचित्र पुरस्कार तुलसी सर्वोत्कृष्ट चलचित्र सम्पादक, एनएफडीसी चलचित्र अवार्ड २०७४ प्राप्त गरीसकेका छन भने यसपटक चलचित्र शत्रुगतेबाट पुरस्कृत भएका छन् । हरेक काम सिर्जनात्मक रूपले गर्न रूचाउने उनको बानीले पदक जित्न सम्भव भएको र आफ्नो सम्पादनलाई मन पराएर निर्णायकले पुरस्कृत गरेकामा आफूलाई खुसी लागेको बताउँदै थप पुरस्कार प्राप्त गर्न र उत्कृष्टकाम गर्न थप उत्साह थपिएको मित्रदेबले बधबार साप्ताहिकलाई बताएका छन् । यो पुरस्कारका लागि चलचित्र मंगलमबाट मनोनयनमा परेका उनले चलचित्र शत्रुगतेबाट सम्पादकको भूमिकामा पुरस्कार हासिल गरेका छन् ।
चलचित्र सम्पादनमा विगत एक दशकदेखि सक्रिय मित्रदेब गुरुङले झण्डै तीन सयवटा म्युजिक भिडियो र तीन दर्जन नेपाली चलचित्रको सम्पादन गरी बजारमा ल्याईसकेका छन् । वर्षमा झण्डै ६ वटासम्म चलचित्र सम्पादन गर्न सक्ने बताउने मित्रले निर्देशकले छायांकनमा लानुअघि सम्पादकसँग छलफल गरेर नमिलेका बिषयहरु मिलाएर लाँदा चलचित्र उत्कृष्ट बन्ने र सबैले मनपराउने उनि बताउँछन । यही कुरा हलिउड, लिउडमा समेत अभ्यास भैरहेको उनी सुनाउँछन ।
तर, नेपालमा यसो हुन नसक्दा कतिपय चलचित्र उत्कृष्ट बन्न नसकेर, नचलेको, प्रतिस्पर्धामा कमजोर बनेको र लगानी नै डुब्नेजस्ता समस्या आउने गरेको उनले बताए । यस्तो हुन नदिन चलचित्र निर्देशक र सम्पादकको बीचमा घनीभूत छलफल हुनसके नमिलेका विषयहरू मिलाएर लान सकिने उनको तर्क छ । उनकै जसतो सोच राखेर सबैले काम गर्न चलचित्र क्षेत्र र चलचित्र सम्पादकहरुले धेरै उपलब्धि हाँसिल गर्न सक्ने मात्रै होइन यो क्षेत्रको भबिष्य उज्ज्वल नक्षत्र बन्ने निश्चित छ । यि सबै कुरालाई लिएर मित्रदेवको बिष्लेषण गर्दा नेपाली चलचित्र सम्पादनमा भोलीका दिनमा उनी अझ चम्कन सक्ने स्पष्ट देखिन्छ । स्तम्भकारको तर्फबाट पनि उनलाई सफलताको शुभकामना ।
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने ज्योतिष...
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने...
१.नेपाली कांग्रेसको १५औँ महाधिवेशन नेपाली कांग्रेसको विशेष अधिवेशनमार्फत् प्राप्त कार्यादेशको आधारमा गगन थापाले नेतृत्व गरेको नेपाली कांग्रेसको १५औँ महाधिवेशन...
