नेपाल आज क्यानडासँग भिड्दै

नयाँ विकल्प संवाददाता
प्रकाशित मिती: २०७८ फाल्गुन ९, ०७: ३५

काठमाण्डौं । आईसीसी टी–२० विश्व कप क्रिकेटको ग्लोबल छनोट ‘ए’ को तेस्रो खेलमा नेपाल आज क्यानडासँग भिड्दै छ । दिउँसो पौने ४ बजे अल अमिरात क्रिकेट मैदानमा खेल हुने छ ।

छनोट खेलमा समूह ‘बी’ मा रहेको नेपाल आज क्यानडालाई हराउँदै लगातार तेस्रो जित निकाल्ने दाउमा छ । यसअघि ओमानलाई ३९ रन र फिलिपिन्सलाई १ सय ३६ रनले हराएको नेपालले दुई खेलमा चार अङ्क जोडेको छ ।

नेपाल शीर्षस्थानमा रहेको छ भने दुई खेलमा दुई अङ्क जोडेको क्यानडा दोस्रो स्थानमा रहेको छ । नेपालले क्यानडालाई पराजित गरे नेपाल सेमिफाइनलमा प्रवेश गर्नेछ ।

फाइनल पुग्ने टोलीले अष्ट्रेलियामा अक्टोबर १६ देखि नोभेम्बर १३ तारिखसम्म हुने आईसीसी पुरुष टी–२० विश्व कपको लागि खेल्ने छ ।

सम्बन्धित समाचार

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

२०७८ फाल्गुन ९, ०७: ३५

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...