बाँके । भेरी अस्पतालमा चिकित्सकको प्रत्यक्ष निगरानीमा नियमित औषधि सेवन गरिरहेका एचआइभी सङ्क्रमित आमाले सङ्क्रमणमुक्त बालबालिका जन्माईरहेका छन् ।
एचआइभी सङ्क्रमित आमाबुवाबाट सङ्क्रमणमुक्त शिशु जन्मन थालेपछि खुसीको सीमा छैन । उनीहरू निकै उत्साहित भएका छन् ।
चिकित्सकको प्रत्यक्ष निगरानीमा जन्मिएका बालबालिका एचआइभी सङ्क्रमणमुक्त रहेको अस्पतालले जनाएको छ ।
निगरानीमा गर्भावस्थाबाटै नियमित औषधि सेवन गरिरहेका सङ्क्रमितको सङ्क्रमणमुक्त शिशु जन्मिरहेको भेरी अस्पतालका सूचना अधिकारी डा सङ्केत रिसालले बताए ।
चिकित्सकको सल्लाह अनुसार नियमित एआरटी सेवा लिएका सङ्क्रमितले जन्माएका धेरै बच्चामा एचआइभी संक्रमण नेगेटिभ देखिने हो ।
अस्पतालका अनुसार पछिल्लो डेढ वर्ष यता सङ्क्रमितबाट जन्मेका १८ महिना भन्दा कम उमेरका ६ जना शिशु पूर्ण स्वस्थ र सङ्क्रमणमुक्त छन् ।
भेरी अस्पतालमा २०६२ फागुनमा एआरटी सेवा सुरु भएको थियो । एआरटी युनिटमा अहिले नेपाली र भारतीय गरी ५ सय ७० जना सङ्क्रमित उपचारका लागि नियमित आउने गरेको अस्पतालले जनाएको छ ।
काठमाडौं । पशु सेवा विभागले काठमाडौं उपत्यकामा ‘पशु वधशाला र मासु जाँच ऐन, २०५५’ को औपचारिक कार्यान्वयन सुरु गरेको छ...
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...