प्रतियोगितामा ५० टोलिलाई पछि पार्दै लुँनिभा धिमे खल प्रथम

नयाँ विकल्प विशेष संवाददाता
प्रकाशित मिती: २०८० चैत्र २७, १०: ०४

भक्तपुर । मध्यपुर थिमिको बोडेमा सम्पन्न उपत्यकाव्यापी धिमे बाजा प्रतियोगितामा सूर्यविनायक नगरपालिका वडा नं १ को लुँनिभा धिमे खलः प्रथम भएको छ । मध्यपुर थिमि नगरपालिकाको आयोजनामा सोमवार सम्पन्न प्रतियोगितामा लुँनिभा धिमे खलः प्रथम भएको हो ।

लाकुछें धिमे गुठी र खपला धिमे गुठीको सहकार्यमा नगरपालिकाले आयोजना गरेको प्रतियोगितामा लुँनिभाले प्रथम हुँदैं शिल्ड, प्रमाणपत्र र नगद २५ हजार रुपैयाँ नगद पुरस्कार पनि जित्न सफल भएको छ ।

गत शनिवार भक्तपुरको दरवार स्क्वायरमा सम्पन्न प्रथम बागमती प्रदेश स्तरीय धिमे बाजा प्रतियोगितामा पनि लुँनिभा प्रथम भएको थियो । चाँगुनारायण नगरपालिका वडा नं ९, ताथलीको ताथली धिमे खलः दोस्रो भयो ।

ताथलीले शिल्ड, प्रमाणपत्र र नगद २० हजार पुरस्कार प्राप्त गरेको छ । ताथली पनि बागमती प्रदेश स्तरीय धिमे बाजा प्रतियोगितामा दोश्रो नै भएको थियो ।