- अनामनगर काठमाडौँ
- infobikalpa21@gmail.com
काठमाडौँ । गत साता भेनेजुएलामा आएको शक्तिशाली भूकम्पका कारण मृत्यु हुनेको संख्या १ हजार ७१९ पुगेको छ। राष्ट्रिय सभाका अध्यक्ष जर्ज रोड्रिगेजका अनुसार भूकम्पबाट हजारौँ नागरिक प्रभावित भएका छन् भने उद्धार तथा राहत कार्य अझै जारी रहेको छ।
सरकारी तथ्याङ्कअनुसार भूकम्पबाट २२ हजार ६१९ जना प्रभावित भएका छन्। तीमध्ये ५ हजार ३४ जना घाइते भएका छन्। साथै ८५५ वटा भवनमा क्षति पुगेको छ, जसमध्ये १८९ वटा भवन पूर्ण रूपमा ध्वस्त भएका छन्।
अधिकारीहरूका अनुसार बुधबारयता ६०९ वटा पराकम्पन महसुस गरिएको छ। सोमबार पनि शक्तिशाली पराकम्पन महसुस भए पनि त्यसबाट थप ठूलो क्षति नभएको जनाइएको छ।
अमेरिकी भूगर्भीय सर्वेक्षण (यूएसजीएस) ले भूकम्पको अन्तिम मृत्यु संख्या १० हजार वा त्यसभन्दा बढी पुग्ने सम्भावना ४४ प्रतिशत रहेको अनुमान सार्वजनिक गरेको छ।
यसैबीच, अमेरिकी अन्तरिक्ष अनुसन्धान संस्था नासाले उपग्रहबाट प्राप्त प्रारम्भिक राडार विश्लेषणका आधारमा मध्य तथा उत्तरी भेनेजुएलामा करिब ५८ हजार ८७० भवन क्षतिग्रस्त वा ध्वस्त भएको अनुमान गरेको छ।
युरोपेली अन्तरिक्ष निकायद्वारा सञ्चालित ‘सेन्टिनेल–१’ उपग्रहको राडार तथ्याङ्क प्रयोग गरेर तयार गरिएको उक्त अध्ययनलाई अनुसन्धानकर्ताहरूले प्रारम्भिक आकलन मात्र भएको बताएका छन्। स्थलगत पुष्टि हुन बाँकी रहेकाले तथ्याङ्कमा थप परिवर्तन हुन सक्ने जनाइएको छ।
>काठमाडौँ । अमेरिका र इरान पछिल्लो तनाव समाधान गर्ने दिशामा अघि बढ्न सहमत भएका छन्। दुवै देशका प्रतिनिधिमण्डलबीच मंगलबार कतारको...
काठमाडौँ। अफगानिस्तानमा शनिबार ६.१ म्याग्निच्युडको भूकम्प गएको अमेरिकी भौगर्भिक सर्वेक्षण विभाग (यूएसजीएस)ले जनाएको छ ।राजधानी काबुल र अरू क्षेत्रमा पनि...
काठमाडौं : उत्तरी भेनेजुएलामा बुधबार राति एक मिनेटभन्दा कम समयको अन्तरमा आएका दुई शक्तिशाली भूकम्पले व्यापक जनधनको क्षति पुर्याएको छ...
