- अनामनगर काठमाडौँ
- infobikalpa21@gmail.com
काठमाडौँ । इजरायली प्रधानमन्त्री बेन्जामिन नेतन्याहुले अमेरिकी राष्ट्रपति डोनाल्ड ट्रम्पले अघि सारेको गाजासम्बन्धी १५ बुँदे शान्ति योजनाप्रति असहमति जनाएका छन्। उनले हमास पूर्ण रूपमा निःशस्त्र नभएसम्म गाजाबाट इजरायली सेना फिर्ता नहुने स्पष्ट पारेका छन्।
आइतबार बसेको मन्त्रिपरिषद् बैठकमा नेतन्याहुले ट्रम्पको १५ बुँदे प्रस्तावका केही विषय इजरायललाई स्वीकार्य नभएको बताएका हुन्। उनले हमासको वास्तविक निःशस्त्रीकरण सुनिश्चित नभएसम्म इजरायली सेना गाजामै रहने र आफ्ना सैनिक तथा नागरिकमाथिको खतरा रोक्न आवश्यक कारबाही जारी राख्ने बताएका छन्।
गत महिना ट्रम्पको नेतृत्वमा रहेको शान्ति संयन्त्रले गाजामा हमाससहित अन्य सशस्त्र समूहलाई पूर्ण रूपमा निःशस्त्र बनाउने विषयमा सहमति भएको जनाएको थियो। ट्रम्पले उक्त सहमतिलाई गाजामा दीर्घकालीन शान्ति र सुरक्षा कायम गर्ने दिशामा महत्वपूर्ण कदमका रूपमा व्याख्या गरेका थिए।
तर हमासले भने इजरायलले गाजामा सैन्य कारबाही पूर्ण रूपमा रोक्नुपर्ने र आफ्ना सेना फिर्ता लैजानुपर्ने सर्त अघि सारेको छ। त्यसपछि मात्र भारी हतियार हस्तान्तरणबारे छलफल गर्न सकिने उसको भनाइ छ।
नेतन्याहुले हमासको निःशस्त्रीकरण कागजमा मात्रै सीमित वा देखावटी हुन नहुने बताएका छन्। अमेरिकी अधिकारीहरूसँग योजनाका विषयमा छलफल भइरहेको जानकारी दिँदै उनले केही प्रस्ताव स्वीकार्य भए पनि केही विषयमा इजरायल सहमत हुन नसक्ने स्पष्ट पारे।
यसैबीच, इजरायलमा आगामी निर्वाचन नजिकिँदै गर्दा नेतन्याहुमाथि आफ्नै दक्षिणपन्थी सहयोगीबाट समेत दबाब बढेको छ। राष्ट्रिय सुरक्षा मन्त्री इतामार बेन–गभिरले ट्रम्पको प्रस्ताव अस्वीकार्य भएको भन्दै मन्त्रिपरिषद्मा मतदानमार्फत गाजा शान्ति योजना रोक्न माग गरेका छन्।
ट्रम्पले गत वर्ष सेप्टेम्बरमा सार्वजनिक गरेको योजनामा शान्ति सम्झौताको कार्यान्वयनको निगरानीका लागि ‘शान्ति परिषद्’ गठन, हमासको निःशस्त्रीकरण, इजरायली सेनाको फिर्ती र गाजाको पुनर्निर्माणलगायत विषय समेटिएका थिए।
तर नेतन्याहुको पछिल्लो अडान र इजरायलभित्रैबाट बढिरहेको विरोधले ट्रम्पको गाजा शान्ति योजनाको कार्यान्वयनमा थप चुनौती देखिएको छ।
काठमाडौं । थाइल्यान्डको नोनथाबुरी प्रान्तस्थित एक विद्यालयमा शुक्रबार भएको गोलीकाण्डमा मृत्यु हुनेको संख्या ९ पुगेको छ। गोली लागेर उपचाररत १२...
एजेन्सी : अमेरिकी राष्ट्रपति डोनाल्ड ट्रम्पले हर्मुज जलघाँटी चाँडै पुनः सञ्चालनमा नआए इरानले गम्भीर परिणाम भोग्नुपर्ने चेतावनी दिएका छन् ।...
काठमाडौं : भारतको दिल्ली प्रदेश सरकारकी मुख्यमन्त्री रेखा गुप्ताले आराध्यदेव भगवान् श्री पशुपतिनाथको दर्शन गर्ने इच्छा व्यक्त गरेकी छन् । पाल्पा निर्वाचन...
