२३ रुसी कुटनीतिज्ञ बेलायतबाट निकाला – Naya Bikalpa
November 18, 2026, Wednesday      Epaper

२३ रुसी कुटनीतिज्ञ बेलायतबाट निकाला

बेलायतले २३ जना रुसी कुटनीतिज्ञलाई देश निकाला गर्ने निर्णय गरेको छ । बेलायती प्रधानमन्त्री थेरेसा मेले उक्त निर्णय गरेसँगै संयुक्त राष्ट्र संघको सुरक्षा परिषदको आपतकालीन बैठक पनि बोलाइएको थियो ।

बेलायतले रुसमाथि रासायनिक हतियारमाथि लगाइएको प्रतिबन्धको उल्लंघन गरेको आरोप लगाएको छ । बेलायतले एक हप्ताभित्र निष्कासित रुसी कुटनीतिज्ञहरुले बेलायत छाड्न निर्देशन दिएको छ ।

मार्च चारमा बेलायतमा एक रुसी जासुस र उनकी छोरीलाई रुसले विष दिएको आरोप लागेको थियो । उनीहरुको अवस्था गम्भीर थियो । उनी एक दोहोरो जासुुस भएको बताइन्छ । रुसको जासुस भनिए पनि उनी बेलायतका लागि काम गर्ने गरेका बताइन्छ ।

बेलायती प्रधानमन्त्री थेरेजा मेले बेलायतका भएका सबै रुसी सरकारी सम्पत्ति जफत गर्ने चेतावनी दिँदै अहिलेलाई रुससँगको सबै सम्वन्ध तोडिएको बताएकी छिन् । यही वर्ष रुसमा हुने विश्वकप फुटबलमा समेत बेलायती शाही परिवारका सदस्य सहभागी नहुने प्रधानमन्त्री मेले बताएकी छिन् ।

संयुक्त राष्ट्रसंघको सुरक्षा परिषदमा बेलायती अधिकारी जोनाथन एलेनले रुसले रासायनिक हतियार प्रयोग गरेको बताएकी छिन् । युद्धमा समेत प्रयोग गर्न प्रतिबन्ध लगाइएको अमेरिकी राजदूत निकी हेलीले पनि बेलायतको समर्थन गरेकी छिन् ।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त
प्राविधिक समस्याले अमेरिकाको हवाई सेवा अस्तव्यस्त
  • २०७४ चैत्र ५, ०९: ०९

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

दिल्लीमा वायु प्रदूषण नियन्त्रणका लागि नयाँ प्रतिबन्ध लागू
दिल्लीमा वायु प्रदूषण नियन्त्रणका लागि नयाँ प्रतिबन्ध लागू
  • २०७४ चैत्र ५, ०९: ०९

काठमाडौं : भारतको राजधानी नयाँदिल्लीमा बढ्दो वायु प्रदूषण नियन्त्रण गर्ने उद्देश्यले अधिकारीहरूले आइतबारदेखि थप कडा प्रतिबन्ध लागू गरेका छन् ।...

स्पेनमा दुई रेल ठोक्किँदा ६८ जनाको मृत्यु, ठूलो सङ्ख्यामा यात्रु घाइते
स्पेनमा दुई रेल ठोक्किँदा ६८ जनाको मृत्यु, ठूलो सङ्ख्यामा यात्रु घाइते
  • २०७४ चैत्र ५, ०९: ०९

काठमाडौँ । स्पेनको मध्यभागमा बुधबार बिहान दुई रेल ठोक्किँदा कम्तीमा ६८ जनाको मृत्यु भएको छ भने ठूलो सङ्ख्यामा यात्रु घाइते...