क्रिकेट खेल सामूहिक रूपमा हेर्दा विद्यार्थीलाई ८ हजार रुपैयाँ जरिवाना

नयाँ विकल्प संवाददाता
प्रकाशित मिती: २०७९ भाद्र १२, ०९: १६

एजेन्सी । एसिया क्रिकेटमा हुन गइरहेको भारत–पाकिस्तान क्रिकेट खेल सामूहिक रूपमा हेर्ने विद्यार्थीहरूलाई ८ हजार रुपैयाँ जरिवाना हुने भएको छ । भारतको जम्मू–कश्मीरस्थित नेसनल इन्स्टिच्युट अफ टेक्नोलोजी श्रीनगरले सूचना जारी गर्दै सामूहिक रूपमा क्रिकेट हेर्न निषेध गरेको हो ।
इन्स्टिच्युटको छात्रावासमा बस्ने विद्यार्थीले क्रिकेट प्रतियोगिता अवधिभर आफ्नो कोठाबाहिर निस्किन पाइने छैन । आफ्नो कोठामा पनि खेल हेर्दा अनुशासित हुनुपर्ने व्यवस्था गरिएको भारतीय सञ्चारमाध्यमले जनाएका छन् ।

सूचनामा भनिएको छ, ‘विद्यार्थीलाई निर्देशन गरिन्छ कि खेललाई खेलको रूपमा लिनुहोला । संस्थान होस्टेलमा कुनै पनि किसिमको अनुशासनहीनता प्रदर्शन गर्न पाइने छैन ।

समूहमा क्रिकेट हेर्दा वादविवाद हुनसक्ने भएकाले कोठाबाहिर निस्किन निषेध गरिएको छ । विद्यार्थीले क्रिकेटसँग सम्बन्धित कुनै पनि कुरा सामाजिक सञ्जालमा समेत राख्न पाइने छैन ।

सम्बन्धित समाचार

आगामी तीन दिन मनसुन सक्रिय, सतर्क रहन आग्रह

२०७९ भाद्र १२, ०९: १६

काठमाडौं : आगामी तीन दिन देशका विभिन्न स्थानमा वर्षा तथा केही क्षेत्रमा भारीदेखि धेरै भारी वर्षाको सम्भावना रहेकाले सतर्कता अपनाउन आग्रह...

साउनको तेस्रो सोमबार : पशुपतिनाथसहित देशभरका शिवालयमा भक्तजनको घुइँचो

२०७९ भाद्र १२, ०९: १६

काठमाडौं : साउन महिनाको तेस्रो सोमबार आज काठमाडौंको पशुपतिनाथ मन्दिरसहित मुलुकभरका विभिन्न शिवालयहरूमा भक्तजनको घुइँचो लागेको छ । विशेषगरी सोमबारको...