विश्वकप छनोट : नेपालको समूहमा कुवेत र जापान – Naya Bikalpa
November 16, 2026, Monday      Epaper

विश्वकप छनोट : नेपालको समूहमा कुवेत र जापान

काठमाडौं : आगामी अक्टोबरमा ओमानमा हुने आईसीसी पुरुष टी–२० विश्वकप एसिया तथा इस्ट एसिया–प्यासिफिक क्षेत्रको संयुक्त छनोट प्रतियोगितामा नेपाल समूह २ मा परेको छ। नेपालले समूह चरणमा कुवेत र जापानसँग प्रतिस्पर्धा गर्नेछ ।

विश्वकप छनोटको यो चरणमा जम्मा ९ टोली सहभागी हुनेछन् । उपक्षेत्रीय छनोट पार गरेका कुवेत, मलेसिया, यूएई, कतार, जापान र सामोआसँगै नेपाल, पपुआ न्युगिनी र आयोजक ओमान प्रतियोगितामा सहभागी हुनेछन् ।

यीमध्ये ओमान, नेपाल, पपुआ न्युगिनी र यूएई यसअघि पनि पुरुष टी–२० विश्वकप खेलिसकेका टोली हुन् ।

९ टोलीलाई तीन समूहमा विभाजन गरिएको छ । हरेक समूहमा तीन टोली रहेका छन् । समूह चरण अक्टोबर ८ देखि १० सम्म हुनेछ । हरेक समूहका शीर्ष दुई टोली ‘सुपर सिक्स’ चरणमा प्रवेश गर्नेछन्, जुन अक्टोबर १२ देखि १७ सम्म सञ्चालन हुनेछ ।

सुपर सिक्स चरणपछि उत्कृष्ट तीन टोलीले सन् २०२६ मा भारत र श्रीलंकामा आयोजना हुने टी–२० विश्वकपका लागि स्थान बनाउनेछन् ।

समूह १ मा यूएई, मलेसिया र कतार छन् भने समूह २ मा नेपाल, कुवेत र जापान रहेका छन् । आयोजक ओमान समूह ३ मा पपुआ न्यूगिनी र सामोआसँग छ ।

सम्बन्धित समाचार

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८२ असार २६, १३: ०९

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ असार २६, १३: ०९

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८२ असार २६, १३: ०९

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...