
काठमाडौं : भारतीय दूतावास, काठमाडौंले सुरु गरेको ‘राजदूत क्रिकेट फेलोशिप’ कार्यक्रमअन्तर्गत तीन नेपाली यु–१९ क्रिकेट खेलाडी एक महिनाको विशेष प्रशिक्षणका लागि भारतको भोपाल जाने भएका छन् ।
पूर्व यु–१९ कप्तान नरेन भट्ट, यु–१९ महिला टोलीकी पूर्वकप्तान पूजा महतो र खेलाडी साहिल पटेलले जुलाई १५ देखि अगस्ट १४ सम्म भारतको एल.बी. शास्त्री क्रिकेट स्कूलमा पेशागत क्रिकेट प्रशिक्षण प्राप्त गर्नेछन् ।
नेपाली क्रिकेट प्रतिभाको अभिवृद्धि र नेपाल–भारतबीचको जनस्तरीय सम्बन्ध सुदृढ बनाउने उद्देश्यसहित दूतावासले कार्यक्रम सञ्चालनमा ल्याएको हो ।
तीनै खेलाडीलाई बिहीबार आयोजित अन्तरक्रियात्मक कार्यक्रममार्फत भारतीय राजदूत नवीन श्रीवास्तवले बिदाइ गरेका थिए। कार्यक्रममा नेपाल क्रिकेट संघ (क्यान)का अध्यक्ष चतुरबहादुर चन्दको पनि उपस्थिति थियो ।
राजदूत श्रीवास्तवले क्रिकेटमार्फत दुई देशबीचको सम्बन्ध थप मजबुत हुने विश्वास व्यक्त गर्दै खेलाडीहरूलाई सफल प्रशिक्षणको शुभकामना दिए । उनले यस्ता कार्यक्रमले युवा खेलाडीलाई अन्तर्राष्ट्रिय स्तरको अनुभव दिलाउने र नेपाली क्रिकेटको भविष्य निर्माणमा सहयोग पुग्ने बताए ।
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...