टेस्ट क्रिकेटमा वेस्ट इन्डिजको लज्जास्पद किर्तिमान, २७ रनमा अलआउट ! – Naya Bikalpa
November 16, 2026, Monday      Epaper

टेस्ट क्रिकेटमा वेस्ट इन्डिजको लज्जास्पद किर्तिमान, २७ रनमा अलआउट !

काठमाडौँ । अस्ट्रेलियाले वेस्ट इन्डिजविरुद्धको टेस्ट सिरिजको तेस्रो खेलमा पनि जित हासिल गरेको छ ।

यस खेलमा वेस्ट इन्डिजको दोस्रो इनिङ केवल २७ रनमा सिमित भयो । यो टेस्ट इतिहासको दोस्रो सबैभन्दा कम स्कोर र डे-नाइट टेस्टमा सबैभन्दा कम स्कोर हो । यस टेस्टमा वेस्ट इन्डिजलाई जित्नको लागि २०४ रनको लक्ष्य थियो । तर मिचेल स्टार्कको उत्कृष्ट बलिङका अगाडी वेस्ट इन्डिज १४.३ ओभरमा केवल २७ रन बनाएर अलआउट भयो । यससँगै अस्ट्रेलियाले तीन खेलको सिरिज ३-० ले क्लिन स्वीप गर्यो ।

आफ्नो १००औं टेस्ट खेलिरहेका मिचेल स्टार्कले आफ्नो करियरको उत्कृष्ट स्पेल बलिङ गरे । उनले ७.३ ओभरमा केवल ९ रन दिएर ६ विकेट लिए । उनले केवल १५ बलमा आफ्नो ५ विकेट पूरा गरेका थिए । यससँगै स्टार्कले टेस्ट क्रिकेटमा ४०० विकेट पनि पूरा गरेका छन् ।

योसँगै स्टार्क अष्ट्रेलियाका लागि सबैभन्दा धेरै टेस्ट विकेटले चौथो खेलाडी बनेका छन् । उनीभन्दा बढी अस्ट्रेलियाका शेन वार्नले ७०८, ग्लेन म्याकग्राले ५६३, नाथन लियोनले ५६२ विकेट लिएका छन् ।

टेस्ट इतिहासमा सबैभन्दा कम स्कोरको विश्व रेकर्ड न्युजिल्यान्डको छ। १९५५ मा, अकल्याण्डमा इङ्गल्याण्डविरुद्ध न्युजिल्यान्डको इनिङ केवल २६ रनमा सकिएको थियो । र अब वेस्ट इन्डिज सूचीमा दोस्रो स्थानमा आएको छ । यसअघि, टेस्टमा वेस्ट इन्डिजको सबैभन्दा कम स्कोर ४७ रन थियो । इङ्गल्याण्डले २००४ मा सोही मैदानमा उनीहरूलाई अलआउट गरेको थियो ।

यस खेलमा अष्ट्रेलियाले पहिलो इनिङमा २२५ रन बनाएको थियो । जवाफमा वेस्ट इन्डिजको इनिङ १४३ रनमा समेटियो। दोस्रो इनिङमा पनि अष्ट्रेलियाको ब्याटिङ असफल भयो । वेस्ट इन्डिजका बलरहरूले उनीहरूलाई १२१ रनमा आउट गरेका थिए । टेस्ट सिरीजमा मिचेल स्टार्कले प्लेयर अफ द म्याचका साथै प्लेयर अफ द सिरिजको अवार्ड पाएका छन् ।

 

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८२ असार ३१, ०८: १५

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८२ असार ३१, ०८: १५

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ असार ३१, ०८: १५

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...