कोरोनाबाट आइतबार १४ को मृत्यु, काठमाडौंमा ४२९ संक्रमित थपिए – Naya Bikalpa
September 21, 2026, Monday      Epaper

कोरोनाबाट आइतबार १४ को मृत्यु, काठमाडौंमा ४२९ संक्रमित थपिए

नयाँ विकल्प,
काठमाडौं – नेपालमा कोरोना भाइरसको संक्रमणबाट आइतबार थप १४ जनाको मृत्यु भएको छ । पछिल्लो २४ घण्टामा चार महिला र १० पुरुष गरी १४ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

मृत्यु हुनेमा सुनसरीकी ७४ वर्षीया, बाराकी ४७ वर्षीया, महोत्तरीकी ६२ वर्षीया र काठमाडौंकी ७२ वर्षीया महिला छन् ।

त्यस्तै, सुनसरीकै ६० वर्षे, मोरङका ६२ वर्षे, महोत्तरीका ७० र ३५ वर्षे, रौतहटका ३० वर्षे, ललितपुरका २९ वर्षे, भक्तपुरका ६५ वर्षे, नवलपरासीका ६५ वर्षे र रुपन्देहीका ५७ र ६७ वर्षे पुरुषको कोरोना भाइरसको संक्रमणबाट मृत्यु भएको हो । योसँगै कोरोनाबाट मृत्यु हुनेको सख्या दुई सय २१ पुगेको छ ।

काठमाडौं जिल्लामा ३७२ थपिए

कोरोना भाइरसको संक्रमण सबैभन्दा बढी काठमाडौंमा देखिन थालेको छ । पछिल्लो २४ घण्टामा काठमाडौं जिल्लामा तीन सय ७२ जना, भक्तपुर जिललामा ४५ जना र ललितपुर जिल्लामा १२ जना गरी काठमाडौं उपत्यकामा चार सय २९ कोरोना संक्रमित थपिएका छन् ।

शनिबार मात्रै काठमाडौंमा एक सय ५५ जना, भक्तपुरमा १२ र ललितपुर १९ जना गरी एक सय ८६ जनामा कोरोना संक्रमण देखिएको थियो । मन्त्रालयका अनुसार आजमात्रै एक हजार दुई सय २१ जना कोरोना संक्रमित थपिएका छन् भने यस अवधिमा दुइ सय ६७ जना डिस्चार्ज भएका छन् ।

स्वास्थ्य तथा जनसख्या मन्त्रालयका अनुसार हाल १७ जना भेन्टिलेटरमा रहेका छन् । कूल संक्रमितको संख्या ३८ हजार पाँच सय ६१ पुगेको छ ।

कोरोना जितेर हालसम्म २० हजार आठ सय २२ जना डिस्चार्ज भएका छन भने यो डिस्चार्ज हुने दर ५४ प्रतिशत रहेको मन्त्रालयको दबी छ । आजसम्म देशभर सक्रिय संक्रमितको संख्या १७ हजार पाँच सय १८ रहेको छ ।

पछिल्लो २४ घण्टामा देशभरका ३९ प्रयोगशालाबाट १२ हजार सात सय १७ जनाको पीसीआर परीक्षण गरिएको छ । हालसम्म जम्मा ६ लाख ८२ हजार ३४३ जनाको पीसीआर परीक्षण गरिएको छ ।

देशभरका संस्थागत आइसोलेसन १० हजार ६१२ जना र होम आइसोलेसनमा ६ हजार नौ सय ६ रहेको छ । आजसम्म देशभर ७ हजार ७९७ जना क्वारेन्टिनमा रहेका छन् ।

बागमती प्रदेशमा १२ जना, प्रदेश ५ मा दुई जना र प्रदेश १ मा तीनजना भेन्टिलेटरमा रहेका छन् । देशभर १४४ जना आईसीयूमा राखेर उपचार भइरहेको छ ।

पाँच सयभन्दा बढी संक्रमित रहेका जिल्लाहरु धनुषा, चितवन, रुपन्देही, मोरङ, पर्सा, रौतहट, महोत्तरी, सर्लाही, बारा, काठमाडौं र ललितपुर रहेका छन् । मुस्ताङ र हुम्लामा कोरोना भाइरसको संक्रमण शून्य रहेको छ । हालसम्म देशभर कोरोना भाइरस संक्रमितको संख्या ३८ हजार पाँच सय ६१ पुगेको छ ।

सम्बन्धित समाचार

कांग्रेसको १५औं महाधिवेशन : ६३ जिल्लामा सकियो वडा अधिवेशन
कांग्रेसको १५औं महाधिवेशन : ६३ जिल्लामा सकियो वडा अधिवेशन
  • २०७७ भाद्र १४, १७: ३२

काठमाडौं : नेपाली कांग्रेसको १५औं केन्द्रीय महाधिवेशनअन्तर्गत देशका ६३ जिल्लामा वडा अधिवेशन सम्पन्न भएको छ । केन्द्रीय निर्वाचन समितिका सदस्य...

रामेछापका डीएसपी जैसवार र इन्स्पेक्टर राउत उत्कृष्ट प्रहरी घोषित
रामेछापका डीएसपी जैसवार र इन्स्पेक्टर राउत उत्कृष्ट प्रहरी घोषित
  • २०७७ भाद्र १४, १७: ३२

काठमाडौं : जिल्लामा भएका विभिन्न आपराधिक घटनाको अनुसन्धान तथा अपराध नियन्त्रणमा प्रभावकारी भूमिका खेलेको भन्दै रामेछापका दुई प्रहरी अधिकृत उत्कृष्ट...

भोटेकोशी-त्रिशूली विपद्सम्बन्धी संसदीय विशेष समिति गठन
भोटेकोशी-त्रिशूली विपद्सम्बन्धी संसदीय विशेष समिति गठन
  • २०७७ भाद्र १४, १७: ३२

काठमाडौं : प्रतिनिधिसभाले १५ सदस्यीय हिमालमा जलवायु परिवर्तनको प्रभाव, जलवायु न्याय तथा भोटेकोशी त्रिशूली विपद्सम्बन्धी संसदीय विशेष समिति गठन गरेको छ...