राप्रपामा नयाँ विवादः हलो बोक्ने कि गाई तान्ने ? – Naya Bikalpa
November 16, 2026, Monday      Epaper

राप्रपामा नयाँ विवादः हलो बोक्ने कि गाई तान्ने ?

काठमाडौं – कमल थापा नेतृत्वको राप्रपा र पशुपतिशम्सेर र डा प्रकाशचन्द्र लोहनीको राप्रपा संयुक्तबीच एकता भएको सात महिनापछि फेरि विवाद चर्किएको छ।

नेताहरुबीच चुनाव चिन्हको बिषयलाई लिएर विवाद चर्किएको स्रोतले बतायो। गत फागुनमा यी दुई पार्टीबीच एकीकरण पछि निर्वाचन आयोगमा जानकारी दिएको थियो। यद्यपी चुनाव चिन्हको टुंगो लगाउन बाँकी थियो।

निर्वाचन आयोगले राप्रपालाई पत्र लेखेर एकीकरणका कागज पत्र पेश गर्न पत्राचार गरेको थियो। तर निर्वाचन चिन्हको टुंगो नलाग्दा निर्वाचन आयोगले समेत निर्णय गर्न सकेको छैन।

अध्यक्ष त्रय राणा, लोहनी र थापाबीच यस बिषयमा पटक पटक छलफल भएपनि सहमतिमा पुग्ननसकेको एक नेताले बताए। राप्रपा नाम गरेको पार्टी यस अघि नै निर्वाचन आयोगमा दर्ता भएकोले त्यसैलाई कायम गर्ने र पदाधिकारी तथा केन्द्रीय समितिको नयाँं सूची बुझाउनुपर्नेमा थापा पक्ष रहेको बताइएको छ।

तर एकीकरण भएपछि नयाँं राप्रपा दर्ता गर्ने पक्षमा राणा र लोहनी पक्ष भएको एक नेताले बताए। पार्टीको चुनाव चिन्हमा हिन्दु राष्ट्रको विम्ब झल्कने गाई राख्न थापा पक्षले अडान लिएको छ।

राणा र लोहनी पक्षले भने पार्टीको नाम , झण्डा थापा पक्षको रहेकोले चुनाव चिन्ह हलो हुनुपर्ने अडान लिएको छ। राप्रपाका प्रचार बिभाग प्रमुख मोहन श्रेष्ठले पार्टीमा चुनाव चिन्हका बारे बहस भईरहेको स्वीकारे। उनले पार्टीमा यो ठुलो विवाद नभई सामन्य छलफल मात्र भएको बताए।

सम्बन्धित समाचार

दुर्घटनामा परिवारका ६ सदस्य गुमाएका यादवलाई गगन थापाको सान्त्वना
दुर्घटनामा परिवारका ६ सदस्य गुमाएका यादवलाई गगन थापाको सान्त्वना
  • २०७७ भाद्र १७, १४: २५

सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...

अस्ताउँदो सूर्यलाई दिइयो अर्घ्य
अस्ताउँदो सूर्यलाई दिइयो अर्घ्य
  • २०७७ भाद्र १७, १४: २५

काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...

एनपिएल : कर्णालीले चितवनलाई हरायो
एनपिएल : कर्णालीले चितवनलाई हरायो
  • २०७७ भाद्र १७, १४: २५

काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...